Jesu o Vwo Ẹguọlọ Kpahen Ihworho

Matthew urhomu-ẹmro ọrẹ 8 ọrhẹ 9 ọ ta kpahen ekwakwa ezẹko uvuẹn iruo aghwoghwo i Jesu, ro ruru uvuẹn i Galilee. Ọke i Jesu ọ simi ihworho, o dje omẹgbanhon ọnẹyen phia, ọrọ mai ghanren, o dje ẹguọlọ okokodo ọrhẹ aruẹdọn ro vwo kpahen awọrọ phia.

1. 

   Jesu o simi ohworho ro kpomu oti.—Mt 8:1-3

2. Jesu o simi odibo olotu isodja.—Mt 8:5-13

   O simi izu ane i Peter.—Mt 8:14, 15

   O simi ihworho nẹ abọ ikpodje ọrhẹ era rioja.—Mt 8:16, 17

3. Jesu o tiẹ ikpodje ri gbanhonma omamọ nẹ oma ihworho, no djerẹ aye ruẹ oma eti.—Mt 8:28-32

4. Jesu o simi ohworho rọ vwọ sabu ha aghwẹ yanghene abọ ye ruiruo.—Mt 9:1-8

   O ji simi ọmase rọ ha obọ te ewun ọnẹyen, jeghwai rhọmọ ọmọgbọtọ i Jairus.—Mt 9:​18-26

   O ji simi ihworho ri tuẹro ọrhẹ ọrọ vwọ sabu tẹmro.—Mt 9:27-34

5. Jesu o riẹ amwa ọrhẹ ọko buebun, ro simi aruẹ emiamiamo ọrhẹ emiamọ sansan.—Mt 9:35, 36

Marhẹ mi ne ru dje ẹguọlọ ọrhẹ aruẹdọn phia rẹn eri kẹrere mẹ rhọ?