“Họghọ Rẹn Ọsẹ Ọrhẹ Izu Are”

Ọke i Jesu o ghwoghwo uvuẹn otọrakpọ na, ọ dabu karunumwu urhi ọnana: “Họghọ rẹn ọsẹ ọrhẹ izu are.” (Ex 20:12; Mt 15:4) Jesu o vwo uphẹn rọ nọ tẹmro, fọkime ọke rọ ha uphuphẹn ọ “homariotọre” rẹn eri vwiẹriẹ. (Lu 2:51, ekete ra djokarhọ) Ọke ro te omirẹghwa, no ruẹ ẹkwaphiẹrhotọre ra na hẹrote izie orho hwu ne.—Joh 19:26, 27.

Uvuẹn ẹdẹ ọrẹ inyenana, Ilele Kristi ri rhiẹ iphuphẹn ra huvwele jeghwai mwuọghọ rẹn eri vwiẹre aye, e dje ọghọ phia. Itiọrurhomẹmro, urhi re ne mwuọghọ rẹn eri vwiẹrẹ ọwan o vwoba-a. Eri vwiẹrẹ ọwan i rha ho dede, o fori nẹ ọwan i rhe mwuoghọ rẹn aye nyoma ra ha ẹmro ẹghwanren aye ruiruo. (Pr 23:22) Ọwan i ji mwuọghọ rẹn eri vwiẹrẹ ọwan ri ho ne nyoma ra hẹrote ọsoso edamẹ aye. (1Ti 5:8) Sẹ ọwan iphuphẹn yanghene a ho ne, ra sẹrorẹ omamọ onyerẹnkugbe rhẹ eri vwiẹrẹ ọwan, izede ra nya họghọ rẹn aye.

NI IKATUNU RA HA OPHANPHAN HAPHIA, MARHẸ MI NE RU TẸMRO RẸN ERI VWIẸRE MẸ? ORHO RU GBA KPAHENRHỌ ENỌ ENANA:

• Mesoriẹ ọnọ bẹn re wu na tẹmro rẹn eri vwiẹruọ?

• Marhẹ wu ne ru mwuọghọ rẹn eri vwiẹruọ ọke wa tẹmro rẹn aye?

  

• Mesoriẹ orhomu ne wu lele eri vwiẹruọ tẹmro? (Pr 15:22)