Jehova o Vwo Ẹguọlọ Kpahen Ihworho ri Fonron

“Ghwe abọ. Ru oghwa na fon. Kwerhe otọre oghwa na. Tuẹ ikweku na fughwẹ.” Emiemọ buebun a nyoma ekpọvi erana yono emọ aye oborẹ aye ine ru fon ọrẹ ugboma. Ọrẹn, iruemru-urhi ri sekpahen ẹfuọn i nẹ obẹ Osolobrugwẹ ọfuanfon na rhe. (Ex 30:18-20; De 23:14; 2Co 7:1) Ọwan i rhe ruẹ ugboma ọrhẹ ekwakwa ọwan fon, ọwan na họghọ vwe i Jehova. (1Pe 1:14-16) Nẹ oghwa ọrhẹ egodo ọwan vwo? Ilele Kristi urhomẹmro a họhọ ihworho re doron ekwakwa rhẹ izede ọrhẹ ogba irhorhomu re ronmoma-a, ukpomaran aye a damoma ruẹ otọrakpọ na fuan. (Ps 115:16; Re 11:18) Ibiẹ ekwakwa rẹ ọwan e doron fughwẹ jerẹ ẹbe ra farẹ emru, iko ifefe, yanghene erọrọ, ina sabu dje uruemru re vwo kpahen ẹfuọn phia. Kerhirhiẹ kerhirhiẹ uvuẹn akpenyerẹn ọwan, ọwan i guọlọ ‘dje oma ọwan rhiẹ idibo Osolobrugwẹ.’—2Co 6:3, 4.

NI IVIDIO NA JEHOVA O VWO ẸGUỌLỌ KPAHEN IHWORHO RI FONRON, ORHO RU GBA KPAHENRHỌ ENỌ ENANA:

• Ikilo ego yẹ ihworho ezẹko ina sabu djẹ rọ lẹrhẹ aye je ruẹ ekwakwa aye fon?

• Marhẹ Urhi Moses o ru dje ukẹro ri Jehova ọ ha ni ẹfuọn?

• Marhẹ ọwan ine ru se oseri kpahen i Jehova ọrẹn a tẹmro-o?