Marhẹ Ẹmro Osolobrugwẹ ọ Ghanren te Wẹn?

Baibol na ọ vuọnren rhẹ iroro ọrhẹ ẹmro i Jehova Osolobrugwẹ ro vwo ọbe ọfuanfon na. (2Pe 1:20, 21) Nime i Baibol na ọ kanrunumwu erufon omẹgbanhon usuon Osolobrugwẹ nyoma Uvie ọnẹyen, nọ yẹ ituakpọ ephian ifiẹrorhọ taghene akpenyerẹn ono rhomu obaro na. Baibol na o ji dje kpahen omamọ iruemru i Jehova ro rhiẹ Ọsẹ ọwan obẹ odjuwu.—Ps 86:15.

O vwo iroro sansan ra lẹrhẹ ọwan ni Ẹmro i Jehova ghanghanren. Ọrẹn, ọwan e ghini djephia taghene e vwo ẹguọlọ kpahen ẹghẹlẹ ọghoghanren ọnana nyoma e seyi kẹdẹkẹdẹ jeghwai haye ruiruo uvuẹn akpenyerẹn ọwan? Jenẹ ọwan i djephia taghene e vwo aruẹ iroro ọbo ijoro na rọ tare: “Mi ghini vwo ẹguọlọ kpahen urhi ọnọ!”—Ps 119:97.

NI IVIDIO NA AYE I NI BAIBOL NA GHANGHANREN—EKETE EZẸKO VWỌYE (WILLIAM TYNDALE), ORHO RU GBA KPAHENRHỌ ENỌ ENANA:

• 

  Mesoriẹ William Tyndale ọ rhian ekete ezẹko uvuẹn i Baibol na?

• Mesoriẹ omẹdamu ọnẹyen rọ rhian i Baibol na o rhiẹ oborẹ a djokarhọ omamọ?

• Marhẹ e ru bẹbẹ kpare i Baibol i Tyndale ezẹko ruẹ ẹkwotọre England?

• Marhẹ owuowọnwan ono ru djephia taghene o ni Ẹmro Osolobrugwẹ ghanghanren?