Kẹnoma Rẹn Uruemru re Kerabọ Iyẹnrẹn Efian

Inyenana, a sabu kerabọ iyẹnrẹn phẹphẹrẹ nyoma ẹbe re fomu phia, ekpatagbero, ekpetughe, ọrhẹ itanẹti. Ihworho ra ga “Osolobrugwẹ urhomẹmro na” i vwe kerabọ iyẹnrẹn efia-an, ọrhọ tobọ rhianẹ orhiẹ arudo yẹ aye e ruie-e. (Ps 31:5; Ex 23:1) Iyẹnrẹn efian ina sabu rhua ẹkuọn ọduado vwe ihworho ri rhonrien. Arha guọlọ rhe sẹ ẹmro urhomẹmro, o fori na nọ oma ọwan:

• ‘Ana sabu hẹroso ekete iyẹnrẹn na o nurhe?’ Ọnọ sabu rhirhiẹ taghene ohworho ro gbikun na o rhe ọsoso iyẹnrẹn na fiotọre-e. Ikun o wene orhianẹ o nẹ unu owuọwan riẹ awọrọ, omarana o fori na jomarhotọre orhianẹ ọwan e rhe ekete iyẹnrẹn na o nurhe-e. Ra mẹriẹn taghene a hẹroso imizu ra kobaro uvuẹn ukoko na, o fori nẹ aye i ni oma so neneyo aye i je rhe kerabọ iyẹnrẹn efian

• ‘Iyẹnrẹn na ọ rhiaphiẹ ohworho?’ Orhianẹ iyẹnrẹn ono biomu omamọ odẹ ohworho yanghene ẹko ihworho, o fo na tobọ vwanriẹn ye-en.—Pr 18:8; Php 4:8

• ‘Iyẹnrẹn na urhomẹmro?’ Dabu ni oma so ọke we rhon iyẹnrẹn ri ha ọkwaisan

NI IVIDIO NA MARHẸ MI NE RU DOBỌ IGUENGUN JI? ORHO RU GBA KPAHENRHỌ ENỌ ENANA:

• 

  Sekpahen oborẹ ọ ha uvuẹn Proverbs 12:18, ẹkuọn ego yẹ ẹmro ina sabu so?

• 

  Marhẹ Philippians 2:4 ono ru ha userhumu rẹn ọwan ni aruẹ ẹmro ra ta kpahen awọrọ?

• 

  Me yo fori ne ru orhianẹ ikun kpahen awọrọ no wene riẹ orharhere ẹmro yanghene iguengun?

• 

  Bọmọke ana ki tẹmro kpahen awọrọ, enọ ego yo fori na nọ oma ọwan?