Oborẹ ọ Mai Ghanren Uvuẹn i Tabernacle na

25:9, 21, 22

Owọ ọphọ na yẹ oborẹ ọ mai ghanren uvuẹn i tabernacle na ọrhẹ uvuẹn ọko emọ Israel. Osolobrugwẹ o djephia taghene ọ ha uvwre aye nyoma avwre na ọrhẹ i cherub eva ri ha oberun owọ ọphọ na. Uvuen Ẹdẹ Omephoro re ruẹ kẹgbukpe kẹgbukpe, orherẹn ọduado na ọ ruẹ Ekete Rọ Mai Fon na jeghwai mirin ọbara erhuẹn ọrhẹ ẹvwe rhẹ oberun owọ ọphọ na, neneyo a sabu harhomu edandan emọ Israel. (Le 16:14, 15) Ọnana nọ rionbọrhọ ọke i Jesu ro rhiẹ Orherẹn Ọduado rode na, ọ ruẹ odjuwu ji mevi obaro i Jehova neneyo ọ ha ọghanronmẹ izobo otan na riẹn.—Heb 9:24-26.

Kokarhọ ekete i Baibol rọ mai serhọ rhẹ erere ra mẹrẹn fọkiẹ izobo otan na:

EKETE I BAIBOL

• 1Jo 1:8, 9

• Heb 9:13, 14

• Ro 6:23

ERERE

• ifiẹrorhọ re ne nyerẹn bẹmẹdẹ

• ẹharhomu edandan ọwan

• ẹhẹn obrorhiẹn rọ fonron

Me ye ne vi ru arha guọlọ riamerhen erere enana?