Wu na Sabu ha Ọke Ọrhẹ Omẹgbanhon Ọnọ Kpahontọre?

Jerẹ oborẹ Isaiah ọ mẹraro rhotọre, ọwan a mẹrẹn e ru riaro ọduado uvuẹn ukoko i Jehova rọ ha otọrakpọ na. (Isa 54:2) Ọnana no mevirhọ taghene ana rha bọn Aghwẹlẹ Uvie, Aghwẹlẹ Omẹvwa, ọrhẹ Eghọn Ukoko sansan. Arha tobọ bọn eghwa enana hin, o ji fo na hẹrote aye, orho ru na ji rharhumu kwaphiẹ ezẹko. Uphẹn ego yẹ ọnana o rhiefirhọ rẹn ọwan na sabu ha ọke ọrhẹ omẹgbanhon ọwan kpahontọre rẹn i Jehova?

• Ana sabu homakpahontọre wian orhianẹ ukoko ọwan yo ruẹ Aghwẹlẹ Uvie na fuan

• Ana sabu homakpahontọre orhianẹ e yono ihworho oborẹ ana hẹrote Aghwẹlẹ Uvie na lele

• Ana sabu fiobọrhọ ifọmu na Local Design/Construction Volunteer Application (DC-50) na sabu ha userhumu phia nẹ ọke ya ruẹ ọke orhianẹ a guọlọ bọn yanghene kwaphiẹ Aghwẹlẹ Uvie ri kẹrerẹ ọwan

• Ana sabu fiobọrhọ ifọmu na Application for Volunteer Program (A-19) na sabu ha userhumu phia uvwre ọkprughwre owu yanghene vrẹn omaran uvuẹn Oghọn Ukoko yanghene eghwa ogame erọrọ uvuẹn ẹkwotọre na

NI IVIDIO NA A DJIRORO KPAHEN OWIAN EBANBỌN ỌKPOKPỌ​—EKETE EZẸKO VWỌYE, ORHO RU GBA KPAHENRHỌ ENỌ ENANA:

• Nẹ ẹgbukpe 2014 rhe, marhẹ ya ha ividio ruiruo lele uvuẹn ukoko na?

• Neneyo a sabu a mwuegbe ividio buebun, owian ebanbọn ọkpokpọ ọgo ya djiroro yi, ẹgbukpe emwa yọ nọ ha?

• Marhẹ imizu ine ru homakpahontọre wian uvuẹn owian ebanbọn ọnana?

• Arha guọlọ wian uvuẹn ebanbọn i Ramapo, mesoriẹ o fo ne fiobọrhọ ifọmu na (DC-50) jeghwai rhe vwobọrhọ owian ebanbọn uvuẹn ẹkwotọre ọwan?

• Me yo djerie phia taghene i Jehova o vwo ekwerhọ kpahen owian ọnana?

• Marhẹ ene ru hobọtua owian ọnana orhianẹ e vwobọrhọ ebanbọn na-a?