Sẹrorẹ Orọnmo Ọnọ

Jehova ọ ha ukẹro ọghoghanren ni ive orọnmo. Ọ guọlọre nẹ esa ọrhẹ ane i vi tigban owuowọnwan. (Mt 19:5, 6) O vwo emamọ idje orọnmo buebun rẹ omamerhomẹ ọ havwọ uvwre ihworho Osolobrugwẹ. Ọrẹn, o vwo orọnmo rọ gbare-e. Ebẹnbẹn a homaphia. Ọwan i vwe nie taghene ẹhẹriẹ ọrhẹ orọnmo ẹfan yọ nọ kwaphiẹ ebẹnbẹn na rhọ-ọ, jerẹ oborẹ ihworho buebun uvuẹn akpọ na e roro. Marhẹ Ilele Kristi ri rọnmọ ne ine ru sẹrorẹ orọnmo aye?

Roro kpahen idjaghwẹ eghoghanren isionrin enana.

1. Sẹrorẹ ọmudu ọnọ nyoma wu na kẹnoma rẹn uruemru obẹlẹme rhẹ awọrọ jeghwai tiẹn iruẹn ọrhẹ ughe ọfanrhiẹn, rọ nọ sabu ghwọghọ orọnmo ọnọ.—Mt 5:28; 2Pe 2:14.

2. Bọn onyerẹnkugbe ọnọ rhẹ Osolobrugwẹ gbanhon, ne wu vwo omwemẹ wu ne ru oborẹ ọnọ merhiẹn oma uvuẹn orọnmo ọnọ.—Ps 97:10.

3. Rhe kuẹ uruemru ọkpokpọ na rhọ, jeghwai vwobọrhọ ibiẹ ewian ri na lẹrhẹ oma merhen ọrẹ wa rọnmọ na.—Col 3:8-10, 12-14.

4. Are i tẹmro rhẹ oma izede ọghọ.—Col 4:6.

5. Are i dje ẹguọlọ rẹn omoma are ji riamerhen ehware.—1Co 7:3, 4; 10:24.

Ilele Kristi i rha họghọ rẹn orọnmo aye, aye na họghọ rẹn i Jehova rọ ha orọnmo mwu.

NI IVIDIO NA ỌWAN INA VI “ZẸ RHẸ EDIRIN”—HUVWELE IRHI ỌRẸ ORHẸ NA, ORHO RU GBA KPAHENRHỌ ENỌ ENANA:

• 

  Dedevwo ọtonrhọ orọnmo ọ merhan, ebẹnbẹn ego yi na sabu homaphia?

• 

  Marhẹ iruemru-urhi Baibol ine ru sabu ha userhumu rẹn ihworho re roro taghene aye i vwa riamerhen orọnmo aye-e?

• 

  Irhi ego yi Jehova ọ ha mwu uvuẹn orọnmo?

• Nẹ orọnmo ọ sabu vwo omamerhomẹ, me ya guọlọ mie esa ọrhẹ ane?