“Are i le Ọsoso Ihworho ri ha Otọre na Nie”

Jehova o jurhi rẹn ihworho yi taghene aye i ghwọghọ i kemru kemru rọ nọ sabu rhiẹ ukọ rẹn aye uvuẹn Otọre Ive na (Nu 33:52; w10 8/1 23)

Jehova ọnọ ha ebrurhọ rhẹ omẹdamu aye rẹ aye ina ha ọsoso otọre na riuku (Nu 33:53)

Emọ Israel na ina dẹrughwaroghwu ebẹnbẹn orhianẹ aye e le ọsoso evwreghrẹn aye nẹ otọre na-a (Nu 33:55, 56; w08 2/15 27 ¶5-6; it-1 404 ¶2)

Na sabu lẹrhẹ oma merhen i Jehova, ana vi tiẹn ekwakwa ri na sabu gbe ọwan aghwa sẹ ọrẹ iroro yanghene sekpahen ogame i Jehova. (Jas 1:21) Jehova ọ yẹ ọwan omẹgbanhon ra na wọnrọn haso ọdandan ọrhẹ erharhere iruemru uvuẹn akpọ ọnana.