Ayọmo yẹ Igbehian Enọ Uvuẹn Itanẹti?

Ugbehian yẹ ohworho ro “tigban ọreva ye fọkiẹ ẹguọlọ yanghene ọghọ ro vwo kpahen ọravwọ.” Jerẹ udje, Jonathan ọrhẹ i David ni me rhiẹ obọdẹn igbehian ọke i David o kpe i Goliath hin. (1Sa 18:1) Aye awanva i vwo emamọ iruemru rọ lẹrherẹ aye vwo ẹguọlọ kpahen omoma aye. Omarana, ihworho a sabu rhiẹ obọdẹn igbehian aye i rha dabu rhe oma aye. Ọ ha ọke ọrhẹ omẹdamu e ki rhe ohworho. Ọrẹn uvuẹn itanẹti, ihworho a sabu mwu “igbehian” odedede, dedevwo aye a dabu rhe oma aye-e. Nime ihworho buebun uvuẹn itanẹti a dabu roro kpahen oborẹ aye ina ta ọrhẹ oborẹ aye ine ruo neneyo ihworho i je rhe rhe aye te oghwa, nọ phẹrẹ rẹ aye e tiẹ aruẹ ohworho aye i ghini havwọ nuẹ. Omarana, o fori ne wu suẹn oma uvuẹn itanẹti. Wu vwa zofẹn wu na tiẹn ihworho ezẹko yanghene ja kpahenrhọ urhomu rẹ aye i dje vwo, nime evwan ono biomu aye-e. Fọkiẹ imwofẹn ra hunute ne na, ihworho ezẹko i tobọ brorhiẹn rẹ aye ine je mwu igbehian uvuẹn itanẹti dede. Ọrẹn, wu rhe brorhiẹn wu na ha itanẹti ruiruo, me yo fori ne wu karorhọ?

NI IVIDIO NA HA ITANẸTI RUIRUO RHẸ ẸGHWANREN, ORHO RU GBA KPAHENRHỌ ENỌ ENANA:

• 

  Me yo fori ne wu roro kpahen vwẹre wu ki fiẹ ifoto rhẹ itanẹti yanghene ya ẹmro ezẹko rhọye?

• 

  Mesoriẹ o fo ne wu jomarhotọre wa rha djẹ igbehian uvuẹn itanẹti?

• 

  Mesoriẹ o fo ne wu bru uchunu ọke wu na ghwọghọ rhẹ itanẹti?—Eph 5:15, 16