Bru Ẹkẹ te Oma Uvwre Ọke Ẹkarorhọ Uhwu i Jesu na

Kẹgbukpe kẹgbukpe yẹ ihworho i Jehova e fiẹrorhọ ọke re ne ruẹ Ẹkarorhọ uhwu i Jesu na kugbe. Ikprughwre ezẹko ne ki ruẹ Ẹkarorhọ na, ọwan a ha uphẹn oghẹnrensan sansan jiri Jehova ji kpẹmiẹ fọkiẹ ẹghẹlẹ otan na. (Eph 1:3, 7) Jerẹ udje, e fiomarhọ owian re se ihworho rhiẹ Ẹkarorhọ na. Ezẹko a kwaphiẹ ọke aye rhọ nẹ aye i sabu rhiẹ ọkobaro ibiọke ọrẹ inọke 30 yanghene 50 uvwre ubiamo March yanghene April. Wu guọlọ ru rhọ uvuẹn ọke Ẹkarorhọ na? Me yọ nọ ha userhumu wẹn fikparobọ?

Ọgbọ buebun, a sabu fiẹkparobọ orhianẹ e mwuegbe rhotọre. (Pr 21:5) Ra mẹriẹn taghene ọke Ẹkarorhọ na o tiẹkẹrẹ ne na, o fori na tuẹn egbemwuo rhọ vwana. Roro kpahen oborẹ wu ne ru vwobọrhọ owian aghwoghwo na rhọ ọke Ẹkarorhọ na, ọrhẹ oborẹ wu ne ru sabu nyamwu ẹkẹ wu bruru. Gba nẹrhomo vwe i Jehova nọ ha userhumu wẹn.​—1Jo 5:14, 15.

Wu na sabu roro kpahen izede wu ne ru kerabọ owian aghwoghwo na uvwre ọke Ẹkarorhọ na?