ENYERẸN ILELE KRISTI
Wa Mẹrẹn Oma Jerẹ Oborẹ i Jehova ọ Mẹruọn Rhọ?
“Oma ọ merhen i Jehova kpahen ihworho yi.” (Ps 149:4) Dedevwo ọwan a gba-a, Jehova ọ mẹrẹn omamọ iruemru ọwan ọrhẹ orhorhomu re ne ruo obaro. Ọrẹn, ọkezẹko ọnọ sabu bẹn ra na mẹrẹn emamọ iruemru re vwori. Ana sabu rhe ni oma ọwan sakamu fọkiẹ oborẹ awọrọ e ni ọwan lele. Yanghene arha tẹnrovi orusọ re ru vrẹn ne, ana sabu rhe vwo ẹhẹn eveva sẹ i Jehova o ghini vwo ẹguọlọ kpahen ọwan. Me yọ nọ sabu ha userhumu rẹn ọwan erhe vwo aruẹ iroro erana?
Karorhọ taghene i Jehova ọ mẹrẹn oborẹ ituakpọ i vwa mẹrẹn. (1Sa 16:7) Ọrana no mevirhọ taghene i Jehova o rheri ọwan ghwẹ ukperhumu ọwan dede. Ọrẹ omamerhomẹ, Baibol na ọ ha userhumu rẹn ọwan rhe aruẹ ukẹro ri Jehova ọ ha ni ọwan. Ana sabu vwẹruọ aruẹ ukẹro i Jehova ọ ha ni ọwan, nyoma re ne se i Baibol na ọrhẹ ikuegbe i Baibol ri djephia taghene i Jehova o vwo ẹguọlọ kpahen ihworho ra ga ye.
NI IVIDIO NA VWO IMWẸRO UVUẸN ỌMUDUO TAGHENE I JEHOVA O VWO ẸGUỌLỌ KPAHUỌN, ORHO RU GBA KPAHENRHỌ ENỌ ENANA:
Me yẹ udje ọmọ rọ zorhẹ ọrhẹ ọsẹ ye, o yonirin ọwan kpahen ukẹro ri Jehova ọ ha ni ọwan?
Orhianẹ ohworho ro ruẹ ọdandan ọghwaghwa ọ kpare idjaghwẹ rọ nọ kwaphiẹ onyerẹnkugbe yi rhẹ i Jehova rhọ, marhẹ ono ru vwo imwẹro uvuẹn ọmuduie taghene i Jehova o vwo ẹguọlọ kpahiẹn?—1Jo 3:19, 20
Marhẹ omizu na o ru mẹrẹn erere ọke ro se ji roro kodo kpahen ikuegbe i David ọrhẹ Jehoshaphat?