Wa Dabu ha Ikpekporo Isese i Baibol na Ruiruo?

Me yẹ ikpekporo isese i Baibol? Ọnana i Baibol i New World Translation na re rekọdu. E tiobọnie bibiesuọn bibiesuọn uvuẹn edjadjẹ buebun. Emru owu rọ soriẹ ikpekporo isese i Baibol na ọ merhoma, yẹ uvwele sansan ra ha ruiruo uvuẹn ekete ihworho sansan a tẹmro. A dabu se isese na fiotọre ji ha iroro ihworho ra tẹmro na phia, neneyo iyẹnrẹn i Baibol na ọ dabu fiotọre.

Marhẹ ihworho ezẹko e ru mẹrẹn erere nẹ ikpekporo isese i Baibol na? Ihworho buebun ra kerhọ ikpekporo isese i Baibol na ọke ephian, i vwo ẹguọlọ kpahen oborẹ ọ dabu ha Ẹmro Osolobrugwẹ phia lele. Aye e nie taghene nime ihworho sansan ya tẹmro uvuẹn isese i Baibol na, aye na sabu ha ẹhẹn roro kpahen ikuegbe i Baibol na, jeghwai dabu vwẹruọ oborẹ a ya rhotọre. (Pr 4:5) Ihworho erọrọ e ji nie taghene aye i rha kerhọ ikpekporo isese i Baibol na, nọ lẹrhẹ ẹhẹn aye totọre orhianẹ aye i vwo ọfiamu.​—Ps 94:19.

Arha kerhọ Ẹmro Osolobrugwẹ re se phia, ọnọ sabu hobọte akpenyerẹn ọwan izede oghẹnrensan. (2Ch 34:19-21) Orhianẹ owuobọ yanghene ọsoso ikpekporo isese i Baibol na ọ ha uvuẹn edjadjẹ we vwẹruọ ye, wu na sabu rha kerhọ ye ọke ephian ne wu sabu bọn esegburhomẹmro ọnọ gbanhon?

NI IVIDIO NA OBORẸ E RUẸ I REKỌDINI IKPEKPORO ISESE I BAIBOL NA LELE​—EKETE EZẸKO VWỌYE, ORHO RU GBA KPAHENRHỌ ONỌ ỌNANA:

Me yọ mai jo kpahen owian ra wianren ọke re ruẹ ikpekporo isese i Baibol na?