ENYERẸN ILELE KRISTI

Hẹrokele Ẹguọlọ Atamwu i Jehova

Jehova yi vi obọdẹn udje ẹguọlọ atamwu. (Ps 103:11) Ọnana rhẹ ẹguọlọ kpekpa yanghene ọrẹ ibiọke-e. Ẹguọlọ atamwu ọ gbanhan omamọ ji rhirhiẹ ye ọke jijiri. Jehova o dje ẹguọlọ atamwu ọnana rẹn emọ Israel uvuẹn izede buebun. O simirin aye nẹ abọ evrẹn uvuẹn Egypt jeghwai ha aye riẹ Otọre Ive na. (Ps 105:42-44) Ọ wọnrọn rẹn ihworho enẹyen ji harhomu aye ọgbọ buebun ọke aye e ruẹ ọdandan. (Ps 107:19, 20) Ọwan arha “dabu roro kpahen irueruo ẹguọlọ atamwu i Jehova,” no ji mwu ọwan hẹrokelie.—Ps 107:43.

Ifoto sansan: Ifoto ro nẹ ividio na “Dabu Roro Kpahen Irueruo Ẹguọlọ Atamwu i Jehova.” 1. Omizu Capra ọrhẹ omizu ọrọrọ ri kọn bru omizu ọmase owu riẹ oghwa ye. 2. Omizu Capra rọ ha ekanron rhẹ imizu erọrọ, ọ yẹ omizu rẹ omayen ọ vwọ gbanhon emaren.

NI IVIDIO NA “DABU RORO KPAHEN IRUERUO ẸGUỌLỌ ATAMWU I JEHOVA,” ORHO RU GBA KPAHENRHỌ ENỌ ENANA:

Izede ego ye ne ru dje ẹguọlọ atamwu phia?

Ẹkpahenrhọ ọnọ
Mesoriẹ ẹguọlọ atamwu e djephia ọ guọlọ izobo e ze?

Ẹkpahenrhọ ọnọ