Ona Uyono

Oma ọ merhuọn wu ne se ikuegbe akpenyerẹn imizu ukoko na?

Esa ọrhẹ ane owu re se ikuegbe akpenyerẹn owu kurhiọke kurhiọke ni tare: “Ikuegbe enana i yẹrẹ ame aghọghọ ọrhẹ omamerhomẹ ne! Aye a karorhọ ame taghene ame ina ji sabu sẹrorẹ esegburhomẹmro ame uvuẹn erhirhiẹ ephian.” Omizu ọmase ọrọrọ ro vwo aruẹ iroro ọrana nọ yare: “Ikuegbe akpenyerẹn enana a ha urhebro mẹ, mwu mẹ kpare udjoghwẹ, ji ru mẹ gbanhan. Akpenyerẹn imizu ukoko na ọ vuọnren rhẹ ikuegbe rọ bọn ohworho gbanhan. Ikuegbe aye o mwu mẹ fiomarhọ owian aghwoghwo na rhọ, ji lẹrhe mẹ ha userhumu rẹn emọ mẹ nẹ aye i vwobọrhọ ogame i Jehova vuọnvuọn.”

Ikuegbe akpenyerẹn awọrọ ina sabu mwuo fiomarhọ ogame i Jehova, fiẹ ovwiẹlẹme omobọ kparobọ, jeghwai din ebẹnbẹn rhẹ aghọghọ kugbe ọghọ. Marhẹ wu ne ru mẹrẹn aruẹ ikuegbe akpenyerẹn enana?

• Se ifi irhomu-ẹmro na “Ikuegbe Akpenyerẹn Ọrẹ Iseri Jehova” rọ ha uvuẹn jw.org, yanghene JW Library®.

• Guọlọ “Ikuegbe Akpenyerẹn Ọrẹ Iseri Jehova” uvuẹn Watchtower ILAIBRARI ỌRẸ ITANẸTI^™ yanghene Watchtower Ilaibrari.