Yono nẹ Ifoto na

Ẹbe ukoko ọwan i vuọnren rhẹ ifoto re yono ọwan iyono eghoghanren. Marhẹ wu ne ru mẹrẹn erere nẹ ifoto enana?

• Ni ifoto na bọmọke wu ne ki se urhomu-ẹmro na. Ifoto na ina yọ omwemẹ ọrhẹ oruru wu ne se urhomu-ẹmro na. Jerẹ oborẹ oma ọ merhen ọwan ọke arha mẹrẹn emaren ro tiurhun, omaran ukẹro na ọ ji “damu” emru. Omarana nọ oma, ‘Me mia mẹrẹn?’—Amos 7:​7, 8.

• Djokarhọ oborẹ ọsoriẹ a ha ifoto na ruiruo ọke we se urhomu-ẹmro na. Se iyẹnrẹn ri ta kpahen ifoto na, yanghene idjedje ifoto na orhianẹ a hunute yi. Roro kpahen oborẹ ifoto na o ru surhobọmwu urhomu-ẹmro na ọrhẹ oborẹ o ru hobọte akpenyerẹn ọnọ.

• Wu rhe se yi hin, ha ifoto na ruẹ ẹzẹkoko urhomu-ẹmro na. Damoma karorhọ ifoto owuowu ọrhẹ iyono ri ha uvuien.

• Omarana, damoma ha ifoto ri ha uvuẹn oghwa odẹrẹ ọnana ruiruo, sẹ wu na sabu karorhọ iyono ri ha uvuẹn aye.