Jesu rọ ghwa ikẹrẹkẹtẹ ruẹ i Jerusalem rhẹ ukperi aghọghọ

Aruẹmẹrẹn ri Sekpahen i Messiah na i Djephia Taghene Jesu yi Messiah na?

Ẹkpahenrhọ i Baibol na

Ee. Ọke i Jesu ọ ha otọrakpọ na, ọ ha aruẹmẹrẹn buebun te orugba ri sekpahen “Messiah ro rhiẹ Osun na,” ọrhẹ “Osimi ọrẹ akpọ na.” (Daniel 9:25; 1 John 4:14) Ọke ra rhọmọ i Jesu nuhwu hin, ọ ji ha aruẹmẹrẹn ri sekpahen i Messiah na te orugba.—Psalm 110:1; Acts 2:34-36.

Me yi “Messiah” o mevirhọ?

Ẹmro i Hebrew re se Ma·shiʹach (Messiah) ọrhẹ ẹmro i Greek re se Khri·stos (Christ) i mevirhọ “Ọra Djẹha.” Omarana, ẹmro na “Jesu Kristi” o mevirhọ “Jesu ro rhiẹ Ọra Djẹha na,” yanghene “Jesu ro rhiẹ i Messiah na.”

Uvuẹn i Baibol na, a djẹ ohworho ha nyoma re rhie emri rhẹ urhomu ohworho na, ọke re fie rhẹ ẹrhẹ ọghoghanren. (Leviticus 8:12; 1 Samuel 16:13) Osolobrugwẹ ọ djẹ i Jesu no rhiẹ i Messiah na, ro rhiẹ ẹrhẹ ọduado. (Acts 2:36) Ọrẹn, ukperẹ Osolobrugwẹ ọnọ ha emri djẹ i Jesu ha, nọ ha ẹhẹn ọfuanfon na djẹ ye ha.—Matthew 3:16.

Ihworho buebun ina sabu ha aruẹmẹrẹn ri sekpahen i Messiah na te orugba?

Ẹjo. Jerẹ oborẹ irhianbọ o dje ohworho ro vworie phia, omaran aruẹmẹrẹn i Baibol na ọ ji rionbọrhọ owuọwan ro no rhiẹ i Messiah yanghene Kristi na. Ọrẹn, Baibol na ọ ha orhetio phia taghene “Kristi efian ọrhẹ emẹraro efian ina homaphia jeghwai ruẹ eka eduado ọrhẹ igbevwunu, nẹ aye i sabu phiẹ ihworho rhọ, tobọ te era djẹha na dede.”—Matthew 24:24.

Messiah na ọnọ sabu homaphia obaro na?

Ẹjo. Baibol na ọ mẹraro rhotọre taghene Messiah na ono nẹ uvwiẹ i David rhe ro rhiẹ Orodje Israel. (Psalm 89:3, 4) Ọrẹn, iyẹnrẹn itu i Jew ri sekpahen esẹ ride i David i vru ne, ọkezẹko aye i vruru uvwrọke itu i Rome a ghwọghọ i Jerusalem uvuẹn ẹgbukpe 70 C.E.a Avwọke ọrana rhe, o vwo owuorọwan rọ sabu djephia taghene o nẹ uvwiẹ Orodje David rhe-e. Ọrẹ ovẹnẹ, iyẹnrẹn ri sekpahen esẹ ride itu i Jew i havwiẹ ọke i Jesu, manẹ evwreghrẹn yen a sabu ta taghene i Jesu o nẹ uvwiẹ i David rhe-e.—Matthew 22:41-46.

Aruẹmẹrẹn emwa ri sekpahen i Messiah na yi ha uvuẹn i Baibol na?

A sabu ghwai hunute uchunu aruẹmẹrẹn ri sekpahen i Messiah na-a. Jerẹ udje, oborẹ e kele aruẹmẹrẹn lele ọnọ sabu vẹnẹ, tobọ te uvuẹn eghwẹmro ri ta kpahen i Messiah na dede. Isaiah 53:2-7 ọ ta kpahen aruẹmẹrẹn buebun ri ne dje i Messiah na phia. Ihworho ezẹko ina sabu haye taghene ọsoso eghwẹmro na aruẹmẹrẹn owu ọvo, ọrẹn awọrọ ina sabu nie taghene aruẹmẹrẹn sansan yi ha uvuẹn eghwẹmro na.

Aruẹmẹrẹn ezẹko ri sekpahen i Messiah na ri Jesu o rugba

Aruẹmẹrẹn	Ekete rọ havwọ	Orugba ye
Ọmọ Abraham	Genesis 22:17, 18	Matthew 1:1
Ọmọ Isaac ro rhiẹ ọmọ Abraham	Genesis 17:19	Matthew 1:2
E vwiẹriẹ uvuẹn uvwioghwa i Judah	Genesis 49:10	Matthew 1:1, 3
O nẹ oghwa Orodje David rhe	Isaiah 9:7	Matthew 1:1
Ọmase ro vwo ji chiọghọ yo vwiẹriẹ	Isaiah 7:14	Matthew 1:18, 22, 23
E vwiẹriẹ uvuẹn Bethlehem	Micah 5:2	Matthew 2:1, 5, 6
E serie Immanuelb	Isaiah 7:14	Matthew 1:21-23
O nẹ ekrun ro vwo fe rhe	Isaiah 53:2	Luke 2:7
E kpe emọvwerhe ọke re vwiẹ ye hin	Jeremiah 31:15	Matthew 2:16-18
E serie nẹ Egypt	Hosea 11:1	Matthew 2:13-15
E serie onyẹ i Nazarethc	Isaiah 11:1	Matthew 2:23
Ọnyikọ o rhie izede firhọ riẹn	Malachi 3:1	Matthew 11:7-10
A djẹriẹ ha no rhiẹ Messiah ẹgbukpe 29 C.E.d	Daniel 9:25	Matthew 3:13-17
Osolobrugwẹ o serie Ọmọyen	Psalm 2:7	Acts 13:33, 34
O vwo oruru kpahen oghwa Osolobrugwẹ	Psalm 69:9	John 2:13-17
Ọro ghwoghwo iyẹnrẹn esiri	Isaiah 61:1	Luke 4:16-21
Ihworho i mẹrẹn ukpẹ nyoma aghwoghwo afiede yi uvuẹn Galilee	Isaiah 9:1, 2	Matthew 4:13-16
O ruẹ igbevwunu jerẹ Moses	Deuteronomy 18:15	Acts 2:22
Ọ tẹmro Osolobrugwẹ phia jerẹ i Moses	Deuteronomy 18:18, 19	John 12:49
O simi ihworho buebun re kpomẹ	Isaiah 53:4	Matthew 8:16, 17
Ọ ha ujiri rẹn omaye-en	Isaiah 42:2	Matthew 12:17, 19
O dje aruẹdọn rẹn era rioja	Isaiah 42:3	Matthew 12:9-20; Mark 6:34
O dje orhienbro ọsoso Osolobrugwẹ phia	Isaiah 42:1, 4	Matthew 12:17-20
Ọye Obrurhe Igbevwunu	Isaiah 9:6, 7	John 6:68
O ghwoghwo odẹ i Jehova	Psalm 22:22	John 17:6
Ọ ha idje ruiruo	Psalm 78:2	Matthew 13:34, 35
Ọye Osun	Daniel 9:25	Matthew 23:10
Ihworho buebun e vwo imwẹro kpahiẹ-ẹn	Isaiah 53:1	John 12:37, 38
Atita ọrẹ ukọ	Isaiah 8:14, 15	Matthew 21:42-44
Ituakpọ i tenriẹn	Psalm 118:22, 23	Acts 4:10, 11
E vwo utuoma kpahiẹn erhierhi	Psalm 69:4	John 15:24, 25
Ọ ghwa ikẹrẹkẹtẹ ruẹ i Jerusalem rhẹ ukperi aghọghọ	Zechariah 9:9	Matthew 21:4-9
Emọvwerhe i jiririe	Psalm 8:2	Matthew 21:15, 16
Ọ rhere uvuẹn odẹ i Jehova	Psalm 118:26	John 12:12, 13
Ugbehian yen ọ rhẹriẹ	Psalm 41:9	John 13:18
Idọlọ efuanfon 30 ya rhẹriẹe	Zechariah 11:12, 13	Matthew 26:14-16; 27:3-10
Igbehian yen i zẹ je vwo	Zechariah 13:7	Matthew 26:31, 56
E se oseri efian kpahiẹn	Psalm 35:11	Matthew 26:59-61
O kudu ọke a mọrenfian banriẹn	Isaiah 53:7	Matthew 27:12-14
E dje erhẹnrhen ghwuie	Isaiah 50:6	Matthew 26:67; 27:27, 30
A ghwiẹriẹ urhomu	Micah 5:1	Mark 15:19
A fariẹ	Isaiah 50:6	John 19:1
O lele ihworho ri fomirien wọnrọ-ọn	Isaiah 50:6	John 18:22, 23
Ere suẹn i djiroro hasuiẹ	Psalm 2:2	Luke 23:10-12
A kanren abọ ye ọrhẹ aghwẹ ye mwu orhan oja	Psalm 22:16	Matthew 27:35; John 20:25
A bọ itẹ fọkiẹ ewun ọnẹyen	Psalm 22:18	John 19:23, 24
E kelirie ba eruedandan	Isaiah 53:12	Matthew 27:38
E phienrien, ji hinmaro kpahiẹn	Psalm 22:7, 8	Matthew 27:39-43
Ọ rioja fọkiẹ eruedandan	Isaiah 53:5, 6	1 Peter 2:23-25
Ọ họhọ ohworho rẹ Osolobrugwẹ ọ nyajovwo	Psalm 22:1	Mark 15:34
A yẹriẹ enyo ro mwenu rọ ji ken ne	Psalm 69:21	Matthew 27:34
Uvwele yi ọ kare o ki hwu	Psalm 22:15	John 19:28, 29
O fi arhọ ye rhẹ abọ Osolobrugwẹ	Psalm 31:5	Luke 23:46
O hwuru	Isaiah 53:12	Mark 15:37
O ha omayen ruẹ otan nẹ ọdandan ọ sabu nie	Isaiah 53:12	Matthew 20:28
E burhun usuaso ọnẹye-en	Psalm 34:20	John 19:31-33, 36
E dumurien	Zechariah 12:10	John 19:33-35, 37
E sinrien rhẹ ekete re sin edafe rhọ	Isaiah 53:9	Matthew 27:57-60
A rhọmeriẹn nuhwu	Psalm 16:10	Acts 2:29-31
E wene ọrọ rhẹriẹ	Psalm 109:8	Acts 1:15-20
O siyẹ abọrhe Osolobrugwẹ	Psalm 110:1	Acts 2:34-36

a McClintock ọrhẹ Strong’s Cyclopedia ọrhọ ta: “Ọkezẹko iyẹnrẹn ri sekpahen uvwioghwa ọrhẹ ekrun itu i Jew na i vruru uvwrọke ra ghwọghọ i Jerusalem, rhẹ bọmọke oghwọghọ na ọ homaphia-a.”

b Odẹ i Hebrew re se Immanuel ro mevirhọ “Osolobrugwẹ Rhẹ Ame i Havwiẹ,” ọ dabu fo ẹrhẹ i Messiah ri Jesu ọ havwọ na. Ọke i Jesu ọ rhiẹ otọrakpọ na ọrhẹ ewian rọ wianren, i djephia taghene Osolobrugwẹ rhẹ era ga ye i gba havwiẹ.—Luke 2:27-32; 7:12-16.

c Ọnọ sabu rhirhiẹ taghene ẹmro na “Nazarene,” o nẹ ẹmro i Hebrew re se neʹtser rhe ro mevirhọ “oborẹ o mwuẹ.”

d Wu rha guọlọ iyẹnrẹn erọrọ kpahen ikekele i Baibol na rọ rionbọrhọ ye taghene ẹgbukpe 29 C.E. yi Messiah ọ homaphia, se urhomu-ẹmro na “How Daniel’s Prophecy Foretells the Messiah’s Arrival.”

e Aruẹmẹrẹn ọnana ọ ha uvuẹn ọbe i Zechariah, ọrẹn ohworho rọ ya ọbe i Matthew ọ tare taghene ọmẹraro Jeremiah yọ tariẹ. (Matthew 27:9) Ọnọ sabu rhirhiẹ taghene e kiki fiẹ ọbe i Jeremiah rhẹ oghọn Eyaya Ọfuanfon na re se “Emẹraro na.” (Luke 24:44) Ọkezẹko Matthew ọ ha odẹ i “Jeremiah” se ọsoso ọbe na, tobọ te ọbe i Zechariah.