“Mẹmẹ Na! Dje Mẹ!”

Ẹhẹn omẹhakpahontọre ọrẹ Isaiah o fo oborẹ ana hẹrokele. O dje esegburhomẹmro phia jeghwai kpahenrhọ use ogege, dedevwo o rhe ọsoso oborẹ ẹmro na o sekpahe-en. (Isa 6:⁠8) Wu na sabu kwaphiẹ erhirhiẹ ọnọ rhọ ne wu sabu ya ga uvuẹn ekete ra mai guọlọ userhumu ighwoghwẹmro Uvie na? (Ps 110:⁠3) Itiọrurhomẹmro, o fori ne “roro kpahen uchiunu ro no mwu” na ki kparoma. (Lu 14:​27, 28) Ọrẹn, vwo omwemẹ wu ne ze izobo fọkiẹ owian aghwoghwo na. (Mt 8:20; Mr 10:​28-30) Jerẹ oborẹ a mẹrẹnren uvuẹn ividio na Re Riẹ Ekete Ra Mai Guọlọ Userhumu Ya Ga, ebrurhọ rẹ ọwan ina mẹrẹn uvuẹn ogame i Jehova ọ vrẹn izobo ọwan ina sabu ze.

E RHE NI IVIDIO NA HIN, KPAHENRHỌ ENỌ ENANA:

• Izobo ego yẹ ekrun i Williams i zeri nẹ aye sabu ya ga obẹ Ecuador?

• Me yẹ aye i roro kpahen, ọke rẹ aye a djẹ ekete aye ina ya ga?

• Ebrurhọ ego yẹ aye i mẹrẹnren?

• Bọgo wu na mẹrẹn iyẹnrẹn erọrọ kpahen ekete ra mai guọlọ userhumu?

ỌKE WE RUẸ OGAME EKRUN ỌNỌ, TA KPAHEN ENỌ ENANA:

• Marhẹ ọwan ine ru sabu vwobọrhọ iruo aghwoghwo na vuọnvuọn jerẹ ekrun? (km 8/⁠11 4-6)

• Orhianẹ ọwan i sabu ga ekete ra mai guọlọ userhumu-u, izede ego yẹ ọwan ine ru sabu ha userhumu rẹn ukoko ọwan a ga? (w16.03 23-25)