UYONO 12

Uruemru re Roro rẹn Awọrọ

1 Thessalonians 2:7, 8

OBORẸ ENE RUO: Tẹmro nẹ ẹhẹn rhe, jeghwai djephia rẹn otu na taghene wu ghini vwo ọdamẹ kpahen aye.

Roro kpahẹn ihworho ra kerhọ na. Mwuegbe ọmuduo nyoma wu na karorhọ ebẹnbẹn rẹ aye a dẹrughwaroghwẹ. Ha ẹhẹn roro erhirhiẹ aye i havwọ.
Jomarhotọre sanọ ẹmro wu na ha ruiruo. Guọlọ izede wu na rhuọnrhuọn, ha urhebro phia jeghwai bọn otu na gbanhon. Wu vwa ha ẹmro ri na sabu lẹrhẹ aye biomu evwan ruiruo-o, habaye wu vwa ta erharherẹ ẹmro kpahen ihworho ri vwe rhiẹ Iseri Jehova yanghene oborẹ aye i vwo imwẹro kpahe-en.
Dje ọdamẹ phia. Dje rẹn otu na taghene wu vwo ọdamẹ kpahen aye nyoma wu na ha uvwele rọ dabu serhọ ọrhẹ ughwaro sasasa ruiruo. Dabu ni oborẹ ughwaruọ ọ havwọ so; rha chẹẹ ọke ephian.

Wu vwa gba iroro homaphia yanghene dje aye gegerege-e. We rhe se isese, dje iroro rọ ha isese na phia, ọrẹn wu vwa lẹrhẹ ihworho na kpomavi wẹ-ẹn. Ra mẹriẹn taghene aruẹ ẹmro ezẹko i vwa lẹrhẹ ẹmro merha-an, gba guọlọ ẹmro ri na sabu lẹrhẹ ẹmro na serhọ jeghwai merhoma.