UYONO 8

Ha Idje Yono

Matthew 13:34, 35

OBORẸ ENE RUO: Ruẹ uyono na rhomurhọ jeghwai ha ihwẹnmro eghoghanren phia nyoma wu na ha idje ri lọhọre ri na ji merhen otu na oma ruiruọ.

Djẹ idje ri lọhọre. Jerẹ i Jesu, wu na sabu ha ekwakwa ekokamu dje ekwakwa ri doro, wu na ji sabu ha ekwakwa ri lọhọre dje idjedje kpahen ekwakwa ri gbanhonron. Wu vwa ha iyẹnrẹn ri na sabu lẹrhẹ udje na gbanhon ba ye-e. Jenẹ o mwuo ẹro taghene ekwakwa wu ha ba udje na o surhobọmwu uyono wa guọlọ haphia na, neneyo otu na i sabu kpomavi.

Dabu ni otu na so. Ni irueruo akpọ na so, se ẹbe ukoko na, jeghwai kerhọ ọke ihworhọ ri tẹn ona a ha uyono phia. We rhe ruẹ ọnana, djokarhọ idje re wu na sabu ha ruẹ uyono ọnọ rhomurhọ. Sẹrorẹ idje enana rhẹ ekete.
Roro kpahen oborẹ ono rhiẹ erere rẹn otu na. Sanọ idje ri sekpahen irueruo ọrhẹ edamẹ ihworho na. Ọrẹn, damoma neneyo udje na ọ jọ rhọ lẹrhẹ evwan biomu aye yanghene lẹrhẹ ofa ruẹ aye.
Yono ihwẹnmro kirighwo. Tẹnrovi oborẹ wu ne ru sabu yono aye ihwẹnmro kirighwo uvuẹn ẹmro na. Damoma ha udje na phia lele izede rẹ ọravwọ ọnọ karorhọ uyono rọ ha uvuẹn udje na ukperẹ ono rhiẹ udje na ọvo.