Oborẹ wu ne ru dabu mẹrẹn erere nẹ iyono i Baibol enana
Ta rẹn ohworho no yonuo: Nekpẹn uyono i Baibol mie ohworho rọ yẹ ruọ ibroshọ ọnana, yanghene nekpẹn uyono i Baibol uvuẹn ekete ra kwaphiẹrhọ uvuẹn iwẹbsaiti ame, jw.org.
OBỌRẸ UKARO
Se oghwẹmro owuowu, ọrhẹ enọ rẹ ikerẹmro aye i kpotori na (A) ọrhẹ ekete i Baibol (B) ri dabu dje ihwẹnmro na fiotọre. Djokarhọ ye taghene a kokarhọ ekete i Baibol ezẹko taghene “se.”
ERHẸRHẸ YE
Ẹmro wu ne kiki mẹrẹn (C) obotọre oghọn na Yono Kodo Rhọ o dje oborẹ ọ ha kpahiẹn fiotọre. Irhomu-ẹmro (D) a ta kpahen oborẹ ọ ha uvuẹn uyono na. Se ekete i Baibol na, kpahenrhọ enọ na, jeghwai ni ividio na (E).
Ni ifoto ọrhẹ ẹmro ri ha obotọriẹ fiotọre (F), jeghwai yono kpahen oborẹ wu ne ru kpahenrhọ Oborẹ Ihworho Ezẹko a Ta (G).
OBỌRẸ Ọ KẸTA
Me Wu Yonorin? ọrhẹ Ẹzẹkoko (H) yọ ta kpahen oborẹ wu yonorin uvuẹn uyono na. Ya ẹdẹ we yono uyono na hin. Oborẹ Wu Guọlọ Ru (I) ọ ta kpahen oborẹ wu guọlọ wian kpahen. Guọlọ Iyẹnrẹn Erọrọ (J) o vwo iyẹnrẹn erọrọ wu guọlọ se kpahen yanghene ividio wu guọlọ ni.
Oborẹ wu ne ru sabu guọlọ eghwẹmro ri ha uvuẹn i Baibol
Ọbe i Baibol ra rionbọrhọ (A), urhomu-ẹmro na (B), ọrhẹ oghwẹmro yanghene eghwẹmro (C). Jerẹ udje, John 17:3 ọ rionbọrhọ ọbe i John, urhomu-ẹmriẹ 17, oghwẹmriẹ ọrẹ 3.