UYONO 7

Ẹmro rọ Gbare rọ ji Vuọn rhẹ Imwẹro

Luke 1:3

OBORẸ ENE RUO: Ha userhumu rẹn otu na nẹ aye i sabu brorhiẹn rọ gbare nyoma wu na ha ẹmro ri serhọ ha ruiruo.

Ha ẹmro na nẹ esiri ra hẹroso. Bọn ẹmro na kpahen i Baibol na, wu na sabu seyi uvuẹn erhirhiẹ ezẹko. Wu rha rionbọrhọ oghwẹmro isayẹnsi, iyẹnrẹn ra haphia, ikuegbe akpenyerẹn, yanghene ekete erọrọ, dabu nieso vẹrhẹ sẹ iyẹnrẹn na ọ gbare ana ji sabu hẹrosuiẹ.
Dabu ha ekete ri serhọ ruiruo. Dje ekete i Baibol fiotọre sekpahen oborẹ aye i havwọ, urhomu rẹ aye i kparare ọrhẹ oborẹ “ọvrẹn ra hẹrosua ro ji vwo ẹghwanren na” i ya kpahen aye vrẹn ne uvuẹn ọbe ukoko na. (Matt. 24:45) Wu rha rionbọrhọ oborẹ ihworho i ta vrẹn ne, damoma neneyo wu haye ruiruo lele oborẹ ọsoriẹ ọravwọ ọ ya ye.

Wu vwa tẹmro vrẹn ovwa-an, yanghene dje ikekele ọrhẹ eghwẹmro gegerege-e. Jomarhotọre neneyo ẹmro jerẹ “ihworho ezẹko” o jo rho rhiẹ “ihworho buebun,” yanghene “erhirhiẹ ezẹko” o jo rho rhiẹ “ọke ephian,” ji jomarhotọre neneyo “ọrẹ imwẹro” o jo rho rhiẹ “ọkezẹko.”
Roro kpahen oborẹ ọnọ lẹrhẹ aye hẹrosuiẹ. Wu rhe se ekete i Baibol yanghene rionbọrhọ ye, nọ enọ yanghene dje udje ri na ha userhumu rẹn ihworho na sabu brorhiẹn rẹn omobọ aye.