Oborerhiẹromẹrẹn

Re Dje Aruẹdọn Rẹn Aruẹ Ihworho Ephian

Ẹdẹ owu, omizu ọmase ro rhirhiẹ New Zealand no ni ividio na “Have . . . Concern for One Another,” rọ ta kpahen oborẹ i Jehova o ru vwo aruẹdọn, ji djeyi phia. (Isa. 63:​7-9) Omarana, no brorhiẹn rọ nọ ha oborẹ o yonorin ruiruo nyoma rọ nọ ha userhumu phia. Ọke rọ yọ dẹ ekwakwa ro no sere emaren uvuẹn ẹdẹ ọrana, nọ mẹrẹn ọmase owu ro vwo vwo oghwa, nọ ji guọlọ dẹ emaren riẹn. Ọmase na no kweri. Ọke omizu ọmase na ọ dẹ emaren na rhe, nọ ha itrati na Ojẹriọ Ono Vwoba dẹ? ghwoghwo riẹn kpeke.

Ọmase na nọ viẹ. Nọ tare taghene ọye ọ ghwanranren uvuẹn urhomẹmro na, ọrẹn nọ nyaji ukoko na vwo ẹgbukpe buebun ri vrẹn ne. Ro vwo jijiri na, nọ nẹrhomo vwe i Jehova nọ ha userhumu riẹn nọ rharhumu bruie. Omizu ọmase na nọ yẹ ọmase na i Baibol, aye ni ji ruẹ ẹkwaphiẹrhotọre uyono i Baibol na.a

Ana sabu hẹrokele aruẹdọn ri Jehova o vwo kpahen ihworho, tobọ te ihworho ekrun ọwan ọrhẹ imizu ukoko na. Habaye, ana ji sabu dje aruẹdọn phia nyoma ra na guọlọ uphẹn re ne ghwoghwo rẹn awọrọ.