Jalʼina Haqaa Dandamachuu

Akkaataa Yoseef jalʼina haqaa itti dandamaterraa barumsa argachuuf Uumama 37:23-28; 39:17-23 dubbisi.

Yaada naannoosaa jiru ilaali. Warri kaan Yoseefirratti jalʼina haqaa kan raawwatan maaliifi? (Uma. 37:3-11; 39:1, 6-10) Yoseef jalʼina haqaa dandamachuun kan isa barbaachise yeroo hammamiitiifi? (Uma. 37:2; 41:46) Yeroo sanatti Yihowaan maal isaaf godhe? Garuummoo maal hin goone?—Uma. 39:2, 21; w23.01 17 key. 13.

Gadi fageenyaan qori. Kitaabni Qulqulluun Yoseef yeroo haati manaa Phoxifaar sobaan isa yakkitetti soba kana saaxiluuf wanta godhe akka qabu hin dubbatu. Caqasoonni itti aananii jiran sababii Yoseef callisuuf filatee taʼuu itti dandaʼurratti yaaduuf ykn dhugaan jiru hundi gadi fageenyaan akka nuuf ibsamu eeguun kan nu hin barbaachisne maaliif akka taʼe hubachuuf kan nu gargaaran akkamitti? (Fak. 20:2; Yoh. 21:25; HoE. 21:37) Amaloonni jalʼina haqaa akka dandamatu Yoseefiin gargaaran kamfaa taʼuu dandaʼu?—Mik. 7:7; Luq. 14:11; Yaq. 1:2, 3.

Barumsa argatterratti yaadi. Akkana jedhii of gaafadhu:

• ‘Barataa Yesuus taʼuu kootiin jalʼinni haqaa akkamii narra gaʼuu dandaʼa?’ (Luq. 21:12, 16, 17; Ibr. 10:33, 34)

• ‘Jalʼina haqaa dandamachuuf qophaaʼuu kanan dandaʼu akkamitti?’ (Far. 62:7, 8; 105:17-19; w19.07 2-7)