Ni Dhiphattaa?

“Namni kamiyyuu hamma tokko ni dhiphata, ani garuu dhiphinaan liqimfameera. Wanti na dhiphisu rakkina guddaa tokko qofa miti; kanaa mannaa haalawwan adda addaa hedduu wajjin walʼaansoo gochaan jira; abbaa manaa koo isa karaa qaamaa fi sammuu dhukkubsatu kunuunsuudhaan waggoota hedduu dabarseera.”—Jiil.a

“Haati manaa tiyya na dhiistee waan deemteef, kophaa koo ijoollee lama guddisuun qaba ture. Abbaa qeenxee taʼuun baayʼee ulfaataadha. Kana malees, hojii koorraa kanan ariʼame yeroo taʼu, qarshii gaʼaa ittiin konkolaataa koo suphisiisus argachuu hin dandeenye. Maal gochuu akkan qabu hin beekun ture. Dhiphinni na liqimsee ture. Of ajjeesuun dogoggora akka taʼe sirriittan beeka; kanaafuu Waaqayyo akka na ajjeesun kadhadhe.”—Baarii.