Ogummaa Jireenyaa fi Gammachuu Argamsiisu
“Rakkoowwan addunyaa kanneen akka waraanaa, hiyyummaa fi dhukkubaa jiran, akkasumas miidhaa ijoollee irra gaʼu yommuun argu baayʼeen gadda; taʼus abdiin akka jiru beeka.”—RAANII.a
Raaniin waaʼee uumaa keenyaa isa hundumaa dandaʼuu fi madda ogummaa dhugaa taʼee beekuun ishii gammachuu dhugaa ishiidhaaf argamsiiseera. Mata dureewwan kanatti aananii jiran yommuu dubbistu barumsawwan ibsaman gama armaan gadiitiin kan si fayyadan akkamitti akka taʼe hubadhu:
Maatii gammachuu qabu horachuuf
Namootaa wajjin walitti dhufeenya gaarii qabaachuuf
Gammachuu argachuuf
Sababa rakkinnii fi duuti itti jiraate beekuuf
Abdii amansiisaa qabaachuuf
Uumaa keenya beekuu fi isatti dhihaachuuf
Uumaan keenya ogummaa isaa kan kennu namoota muraasaaf qofa utuu hin taʼin, namoota ogummaa isaa barbaadan hundumaaf akka taʼes ni baratta.
a Maqaawwan barruu kana keessa jiran jijjiiramaniiru.