Ayyaanni Faasikaa Ayyaana Yaadannootiif gaaddidduu taʼuu baatus, wantoonni Ayyaana Faasikaa irratti raawwataman tokko tokko barumsa hedduu nuuf qabataniiru. Fakkeenyaaf, Phaawulos ergamaan Yesuusiin ‘hoolaa Faasikaa keenya’ jedhee isa waameera. (1Qo 5:7) Akkuma dhiigni hoolaa balbala irratti dibamee ture lubbuu oolche, dhiigni Yesuusis lubbuu namootaa kan oolchu dha. (Bau 12:12, 13) Akkasumas lafeen hoolaa Ayyaana Faasikaa hin cabsamu ture. Haaluma wal fakkaatuun, akka aadaatti namoonni duʼaan adabaman lafeen isaanii kan cabsamu taʼus, lafeen Yesuus tokko illee hin cabsamne.—Bau 12:46; Yoh 19:31-33, 36.