Duula Addaa Mootummaa Waaqayyoo Beeksisuuf Jiʼa Sadaasaatti Godhamu

Yesuus “misiraachoo Mootummaa Waaqayyoo” lallabeera. (Luq 4:43) Namoonni waaʼee Mootummaa sanaa akka kadhatanis barsiiseera. (Mat 6:9, 10) Jiʼa Sadaasaatti Mootummaa Waaqayyoo beeksisuuf carraaqqii addaa goona. (Mat 24:14) Duula kana irratti hirmaannaa guutuu taasisuuf sagantaa keessan irratti sirreeffama godhadhaa. Babalʼistoonni qajeelchaa gargaaraa taʼanii tajaajilan saʼaatii 30 ykn 50 tajaajiluuf filachuu dandaʼu.

Hamma dandeessan namoota naannoo tajaajilaa keessan keessa jiran hedduudhaaf caqasa waaʼee Mootummaa Waaqayyoo ibsu tokko dubbisuuf carraaqqii godhaa. Caqasa yommuu filattan, amantii dhaggeeffattoonni keessan hordofan tilmaama keessa galchaa. Namni tokko guyyaa jalqabaatti fedhii yoo argisiise, Masaraa Eegumsaa maxxansa sabaa Lakk. 2 2020 kennaafii. Achiis namoota fedhii argisiisan hamma dandaʼametti daftanii deebitanii gargaaruuf wanta isiniif dandaʼame hunda godhaa; akkasumas barreeffama Meeshaalee Barsiisuuf Itti Fayyadamnu keessa jiru tokkotti fayyadamuudhaan qoʼannaa Kitaaba Qulqulluu jalqabsiisuuf yaalii godhaa. Yeroo dhihootti Mootummaan Waaqayyoo mootummoota isa morman hundumaa ni balleessa. (Dan 2:44; 1Qo 15:24, 25) Kanaaf, amanamummaa Yihowaa fi Mootummaa isaatiif qabnu argisiisuuf, carraa adda taʼe kanatti guutummaatti haa fayyadamnu!