Miiljalee
a Tiindal hiika kitaabota Kitaaba Qulqulluu jalqabaa shanan irratti maqaa “Iehouah” jedhutti fayyadameera. Yeroo booda Afaan Ingiliffaa jijjiiramaa kan dhufe siʼa taʼu, qubeen maqaa Waaqayyoos fooyyaʼaa dhufe. Fakkeenyaaf bara 1612tti Henarii Eyiinisworz kitaaba Faarfannaa yeroo hiiketti, akkaataa barreeffamaa “Iehovah” jedhutti fayyadameera. Bara 1639tti yeroo hiikkaa kana fooyyessetti, akkaataa barreefamaa “Jehovah” jedhutti fayyadameera. Haaluma wal fakkaatuun namoonni Hiika Kitaaba Qulqulluu American Standard Version jedhamuu fi bara 1901tti maxxanfame hiikan, bakka maqaan Waaqayyoo Kitaaba Qulqulluu Afaan Ibrootaa keessatti argamu hundatti akkaataa barreeffamaa “Jehovah” jedhutti fayyadamaniiru.