LAAYIBRARII INTARNEETIIRRAA
Masaraa Eegumsaa
LAAYIBRARII INTARNEETIIRRAA
Afaan Oromoo
  • KITAABA QULQULLUU
  • BARREEFFAMOOTA
  • WALGAʼIIWWAN
  • Isin Warra Qulqullaa’an Taataniittu
    Masaraa Eegumsaa—2013 | Hagayya 15
    • Nahimiyaan Yihowaadhaaf amanamaa ta’uusaa kan argisiise akkamitti? (Keeyyata 5, 6 ilaali)

      5, 6. Eliyaashiibiifi Xobiiyaan eenyufaa turan? Eliyaashiib, Xobiiyaa wajjin kan michoome maaliif ta’uu danda’a?

      5 Nahimiyaa 13:4-9 dubbisi. Wantoonni qulqulluu hin taane hedduun dhiibbaa waan nurraan geessisaniif, qulqulloota taanee jiraachuun salphaa miti. Mee waa’ee Eliyaashiibiifi Xobiiyaa haa ilaallu. Eliyaashiib angafa lubootaa yommuu ta’u, Xobiiyaanimmoo nama biyya Amoon isa Yihudaa ishee bulchiinsa Faares taate keessatti aangoo qabu ta’uu hin oolu. Xobiiyaafi hiriyoonnisaa Nahimiyaan dallaa Yerusaalem deebisee ijaaruuf yaalii yommuu godhe isa mormaniiru. (Nah. 2:10) Amoononni mana qulqullummaa keessa akka hin galle dhowwamanii turan. (Kes. 23:3) Haata’u malee, angafni lubootaa kun namni akka Xobiiyaa galma nyaataa mana qulqullummaa keessa akka jiraatu kan heyyameef maaliifi?

      6 Xobiiyaan michuu Eliyaashiib ta’e. Xobiiyaafi ilmisaa Yehohaanaan dubartoota Yihudoota ta’an kan fuudhan si’a ta’u, Yihudoonni hedduunis Xobiiyaa ni jajatu turan. (Nah. 6:17-19) Ilmaan ilma Eliyaashiib keessaa inni tokko intala Sanbalaax kan fuudhe si’a ta’u, Sanbalaaximmoo bulchaa Samaariyaafi michoota Xobiiyaa keessaa tokko ture. (Nah. 13:28) Michummaan kun, Angafa Lubootaa kan ture Eliyaashiib, namni hin amanneefi mormituu ta’e kun dhiibbaa kan isarratti godhe maaliif akka ta’e nu hubachiisa. Haata’u malee, Nahimiyaan mi’a Xobiiyaa hunda galma nyaataa keessaa gad daddarbachuudhaan Yihowaadhaaf amanamaa ta’uusaa argisiiseera.

  • Isin Warra Qulqullaa’an Taataniittu
    Masaraa Eegumsaa—2013 | Hagayya 15
    • 8. Tajaajiltoonni Yihowaa warri isaaf of murteessan hundi, hiriyyummaa wajjin haala wal qabateen maal yaadachuu qabu?

      8 ‘Hiriyaan gadheen amala gaarii akka mancaasu’ yaadachuu qabna. (1 Qor. 15:33) Firoottan keenya tokko tokko jireenya keenyarratti dhiibbaa gaarii kan hin geessisne ta’uu danda’u. Eliyaashiib, dallaa Yerusaalem deebisanii ijaaruurratti guutummaatti Nahimiyaa deggeruudhaan sabichaaf fakkeenya gaarii ta’ee ture. (Nah. 3:1) Yeroo booda garuu, Xobiiyaaniifi namoonni kaan dhiibbaa gadhee waan isarraan geessisaniif, Eliyaashiib wanta Yihowaa duratti isa xureessu raawwateera. Hiriyoonni gaariin sochiiwwan Kiristiyaanummaa keenyaaf nu gargaaran, kan akka Macaafa Qulqulluu dubbisuu, walga’iirratti argamuufi tajaajilarratti hirmaachuu fakkaataniin akka qabamnu nu jajjabeessu. Keessumaa miseensota maatii keenya warra wanta sirrii ta’e akka raawwannu nu jajjabeessan ni jaallanna; ni dinqisiifannas.

Barreeffamoota Afaan Oromoo (1993-2025)
Baʼi
Gali
  • Afaan Oromoo
  • Ergi
  • Filannoowwan
  • Copyright © 2025 Watch Tower Bible and Tract Society of Pennsylvania
  • Walii Galtee
  • Imaammata Mateenyaa
  • Filannaa Dhuunfaa
  • JW.ORG
  • Gali
Ergi