• Yeroo Duunu Maal Taana?
    Bara Baraaf Gammachuudhaan Jiraadhu!—Kitaaba Qulqulluu Qoʼachuudhaan Fayyadami

    • 3. Haala warri duʼan keessatti argaman baradhu

      Namoonni addunyaa maratti argaman erga duunee booda wanta nu irra gaʼu ilaalchisee ilaalcha garaa garaa qabu. Haa taʼu malee, ilaalchi isaanii kun hundi dhugaa taʼuu hin dandaʼu.

      • Haala namoonni duʼan keessa jiran ilaalchisee namoonni naannoo kee jiran maal jedhanii amanu?

      Wanta Kitaabni Qulqulluun barsiisu beekuuf, VIIDIYICHA taphachiisaa.

      VIIDIYOO: Namoonni Duʼan Haala Akkamii Keessatti Argamu?—Gabaabfamee kan Fudhatame (1:19)

      Fakkii viidiyoo ‘Namoonni Duʼan Haala Akkamii Keessatti Argamu?—Gabaabfamee kan Fudhatame’ jedhamu irraa fudhatame. Fakkiiwwan: 1. Reeffa siree mana yaalaa irra ciisee jiru. 2. Nama baaburaan utuu deemaa jiru namoota lama gidduu taaʼee mugaa jiru.

      Lallaba 3:20 dubbisaa, achiis gaaffiiwwan kanneen irratti mariʼadhaa:

      • Akka caqasni kun jedhutti, namni tokko erga duʼee booda maal taʼa?

      • Caqasni kun namni tokko erga duʼee booda lubbuun ykn hafuurri isaa bakka kan biraa jiraachuu isaa akka itti fufu argisiisaa?

      Kitaabni Qulqulluun waaʼee duʼa Alaazaar isa michuu Yesuus turee nutti hima. Yohaannis 11:11-14 yeroo dubbistanitti, haala Alaazaar keessa ture ilaalchisee wanta Yesuus jedhe hubachuuf yaalaa. Achiis gaaffiiwwan kanneen irratti mariʼadhaa:

      • Yesuus duʼa maalii wajjin wal fakkeesse?

      • Kun hoo haala namoonni duʼan keessa jiran ilaalchisee maal nu barsiisa?

      • Duʼa ilaalchisee wanti Kitaabni Qulqulluun dubbatu sirrii sitti fakkaataa?