LAAYIBRARII INTARNEETIIRRAA

‘Gammachuu fi Hafuura Qulqulluudhaan Guutaman’

Waaʼee Mootummaa Waaqayyoo ‘Guutummaatti Dhugaa Baʼuu’
- 5. Odoola Qophrositti lallabuun carraaqqii akkamii akka gaafate ibsi.
  
  ⁵ Barnaabaasii fi Saaʼol buufata doonii Seluuqiyaa ishii Anxokiyaatti dhihoo jirtu erga deemanii booda, gara odoola Qophiros ishii kiilomeetira 200 fagaattee argamtutti dooniidhaan imalan.d Barnaabaas Qophrositti waan dhalateef misiraachoo kana namoota naannoo isaatiif lallabuuf baayʼee hawwee akka ture hin shakkisiisu. Akkuma magaalaa Salaamiis ishii baha odoolichaatti argamtu gaʼaniinis “manneen sagadaa Yihudootaa keessatti dubbii Waaqayyoo labsuu jalqaban.”e (HoE. 13:5) Barnaabaasii fi Saaʼol odoola Qophiros keessa yommuu qaxxaamuranitti, magaalota gurguddoo keessa darban hundatti lallabaa akka turan hin shakkisiisu. Daandii misiyoononni kun irra deemuuf filatan irratti hundaaʼuudhaan gara kiilomeetira 160 akka imalan tilmaamuu ni dandeenya!
  
  MANNEEN SAGADAA YIHUDOOTAA KEESSATTI
  
  Bakki Yihudoonni waaqeffannaadhaaf itti walitti qabaman mana sagadaa jedhama. Manneen sagadaa kun kan hundeeffaman yeroo Yihudoonni waggaa 70f boojuu Baabilon jala turanitti ykn bilisa baʼanii utuma baayʼee hin turin akka taʼetti yaadama. Manneen sagadaa kun bakka barumsaa, bakka waaqeffannaa, bakka Kitaabni Qulqulluun itti dubbifamuu fi bakka gorsi itti kennamu turan. Dhaloota Kiristoos Booda jaarraa jalqabaatti magaalonni Filisxeem keessatti argaman hundi manneen sagadaa qabu turan. Magaalonni gurguddoon mana sagadaa tokkoo ol, Yerusaalemimmoo baayʼee qabdi turte.
  
  Boojuu Baabilon jalaa erga baʼanii booda gara Filisxeemitti kan deebiʼan Yihudoota hunda miti. Yihudoonni hedduun daldalaaf jecha gara biyya kan biraa deemaniiru. Dhaloota Kiristoos Dura jaarraa shanaffaatti, Yihudoonni konyaawwan bulchiinsa Faares 127 taʼan keessa jiru turan. (As. 1:1; 3:8) Yeroo boodas, Yihudoonni magaalota naannoo Galaana Meditiraaniyaa jiran keessa jiraachaa turaniiru. Yihudoonni faffacaʼanii jiraatan kun Diyaaspooraa kan jedhaman yommuu taʼu, bakka jiraatanitti manneen sagadaa ni ijaarratu turan.
  
  Sanbata Sanbata, manneen sagadaa kana keessatti Seerichi dubbifamee ibsama. Kan dubbifamu waltajjiirraa yommuu taʼu, namoonni kallattii sadiin waltajjii kanatti marsanii taaʼu. Dhiirri Yihudii taʼee fi fedhii qabu kamiyyuu dubbisuu, lallabuu fi barsiisuu ni dandaʼa.

‘Gammachuu fi Hafuura Qulqulluudhaan Guutaman’

Waaʼee Mootummaa Waaqayyoo ‘Guutummaatti Dhugaa Baʼuu’
- d Jaarraa jalqabaatti dooniin tokko haalli qilleensaa gaarii yoo taʼe guyyaatti kiilomeetira 160 imaluu dandaʼa; haalli qilleensaa isaa yoo gaarii taʼuu baatemmoo sana caalaa fudhachuu dandaʼa.