• ‘Aangoo Yihowaa Biraa Argataniin Ija Jabinaan Dubbatan’
    Waaʼee Mootummaa Waaqayyoo ‘Guutummaatti Dhugaa Baʼuu’
    • Phaawulosii fi Barnaabaas qophii namoonni Lisxiraa isaaniif godhan yommuu morman. Uummatichi muuziqaa taphachaa, aarsaa dhiheessaa fi namoota lamaan fuulduratti sagadaa jira.

      ‘Wantoota gatii hin qabne kana dhiisaatii gara Waaqa jiraataa isa samii fi lafa uumetti deebiʼaa.’—Hojii Ergamootaa 14:15

      11-13. (a) Phaawulosii fi Barnaabaas jiraattota Lisxiraadhaan maal jedhan? (b) Wanta Phaawulosii fi Barnaabaas dubbatanirraa barumsi argannu tokko maalidha?

      11 Phaawulosii fi Barnaabaas wanti namoonni sun godhan kan isaan hin eegne taʼus, garaa saanii tuquuf wanta isaaniif dandaʼame hunda godhaniiru. Gabaasa Luqaas barreesse kanarraa karaa buʼa qabeessa namoota Kiristiyaana hin taaneef itti lallabnu ilaalchisee barumsa gaarii arganna. Mee akkaataa Phaawulosii fi Barnaabaas namoota isaan dhaggeeffatan amansiisuuf itti yaalan haa ilaallu: “Namoota nana, maaliif wanta akkasii gootu? Nuti namoota akkuma keessan dadhabina qabnudha. Misiraachoo isiniif labsaa kan jirru, isin wantoota gatii hin qabne kana dhiistanii gara Waaqa jiraataa isa, samii, lafa, galaanaa fi wantoota isaan keessa jiran hundumaa uumetti akka deebitaniifi. Inni dhaloota darbanitti saboonni hundi karaa ofii isaanii irra akka deeman isaaniif heyyamee ture; taʼus wanta gaarii gochuudhaan, jechuunis samii irraa bokkaa roobsuudhaan, waqtiilee firii qaban isiniif kennuudhaan, akkasumas nyaata akka quuftanii fi garaan keessan gammachuudhaan akka guutamu gochuudhaan waaʼee ofii isaa dhugaa baʼeera.”—HoE. 14:15-17.

  • ‘Aangoo Yihowaa Biraa Argataniin Ija Jabinaan Dubbatan’
    Waaʼee Mootummaa Waaqayyoo ‘Guutummaatti Dhugaa Baʼuu’

    • 14-16. Barumsi lammaffaa fi sadaffaan wanta Phaawulosii fi Barnaabaas jiraattota Lisxiraatti dubbatanirraa argannu maalidha?

      14 Mee wanta isaan dubbatanirraa barumsa argannu isa lammaffaa haa ilaallu. Phaawulosii fi Barnaabaas namoota akka haala isaatti jijjiirama godhan turan. Yihudootaa fi namoota amantaa Yihudii fudhatanii fi Iqoniyum keessa jiraatan irraa haala adda taʼeen, jiraattonni Lisxiraa waaʼee Kitaaba Qulqulluu ykn hariiroo Waaqayyo saba Israaʼelii wajjin qabu ilaalchisee beekumsa xinnoo qofa qabu ykn homaa hin beekan turan. Namoonni Phaawulosii fi Barnaabaasiin dhaggeeffachaa turan kun qonnaan bultoota turan. Lisxiraan bokkaa gaʼaa kan argattuu fi lafa gabbataa kan qabdu turte. Namoonni kun waqtiilee firii qaban akkasii irraa waaʼee amaloota uumaa ragaa hedduu argachuu dandaʼu turan. Misiyoononni kunis garaa namoota kanaa tuquuf wanta irratti walii galuu dandaʼan kanatti fayyadamaniiru.—Rom. 1:19, 20.