-
Kitaabni Qulqulluun Saalqunnamtii Ilaalchisee Maal Jedha?Bara Baraaf Gammachuudhaan Jiraadhu!—Kitaaba Qulqulluu Qoʼachuudhaan Fayyadami
-
-
4. Qorumsa si mudatu moʼuu ni dandeessa
Wanti qorumsa halalummaa akka raawwattuuf si mudatu dandamachuun akka sitti ulfaatu gochuu dandaʼu maali dha? VIIDIYICHA taphachiisaa, achiis gaaffii armaan gadii irratti mariʼadhaa.
Obboleessi viidiyicha irratti ibsame, yaanni isaa fi gochi isaa haadha manaa isaatiif akka hin amanamne isa taasisuu akka dandaʼu yommuu hubatu maal godhe?
Kiristiyaanonni amanamoo taʼan illee yeroo tokko tokko yaada qulqulluu qabaachuuf qabsoo gochuun isaan barbaachisa. Wantoota naamusaan ala taʼan irra deddeebitee yaaduu irraa fagaachuu kan dandeessu akkamitti? Filiphisiyus 4:8 dubbisaa, achiis gaaffiiwwan kanneen irratti mariʼadhaa:
Wantoota akkamii irratti yaaduu qabna?
Kitaaba Qulqulluu dubbisuunii fi hojiin Yihowaa akka nuuf baayʼatu gochuun, qorumsa cubbuu akka raawwannu nu irra gaʼu dandamachuuf kan nu gargaaru akkamitti?
-
-
Wanta Dubbattuun Yihowaa Gammachiisuu kan Dandeessu Akkamitti?Bara Baraaf Gammachuudhaan Jiraadhu!—Kitaaba Qulqulluu Qoʼachuudhaan Fayyadami
-
-
3. Karaa nama jajjabeessuun dubbachuuf maaltu nu gargaara?
Yeroo baayʼee wanti dubbannu, wanti dhugumaan garaa keenya keessa jiru ykn wanti yaannu maal akka taʼe argisiisa. (Luqaas 6:45) Kanaafuu, wantoota gaggaarii irratti, jechuunis wanta qajeelaa, wanta qulqulluu, wanta jaallatamaa fi wanta galateeffamu irratti xiyyeeffachuu barachuu qabna. (Filiphisiyus 4:8) Wantoota gaarii irratti xiyyeeffachuuf, wanta ittiin bashannannuu fi michoota keenya ogummaadhaan filachuu qabna. (Fakkeenya 13:20) Dubbachuu keenya dura, wanta dubbannuu fi akkaataa itti dubbannuufis xiyyeeffannaa kennuun keenya nu gargaara. Wanti dubbattu warra kaan irratti dhiibbaa akkamii akka geessisu hubadhu. Kitaabni Qulqulluun, “Dubbiin utuu itti hin yaadamin dubbatamu akkuma goraadee nama waraana, arrabni ogeessotaa garuu nama fayyisa” jedha.—Fakkeenya 12:18.
-