Kadhannaa Galataa

1. Yihowaa galata sii galchinaa

Yaa gooftaa guddaa sitti iyyannaa,

Kadhata dhageessa, siif sagannaa.

Eegumsakee jala of galchinaa.

Cubbamoo waan taaneef ni yakkinaa;

Balleessaa keenya nuu dhiisi jennaa.

Dhiiga Ilmakeetiin bitamneerraa.

Amma barachuu barbaanna sirraa.

2. Warri qajeelfamaaf iifakeettii

Afeerte haa gammadan dhugaattii.

Dubbii keetiin geggeeffamuu feenaa.

Manakee jiraachuutti gammannaa.

Sodaachisaadha humnikee guddaan,

Hojjettootakee dhaaba jabinaan.

Waaqa nagaa Mootummaakee fidii.

Nuuf argamsiisa jireenyaaf abdii.

3. Nu gammachiisa xiyyeeffannaankee;

Lafa haa guutu waaqeffannaankee.

Mootummichi eebbakee nuu fidaa,

Hambisa dhibee du’aa fi gaddaa.

Ilmikee hamoota ni balleessaa;

Sabnikee gammachuudhaan si faarsaa.

“Galanni Mootii keenyaaf haa ta’uu”

Jennee gammachuudhaan haa faarfannuu.