Namoonni Karaa Hafuuraa Cimoo Taʼan Murtoo Gaarii Godhu

Esaawuu fi Yaaqoob murtoo gaarii gochuu fi dhiisuusaanii ilaaluuf Uumama 25:29-34 dubbisi.

Yaada naannoosaa jiru gadi fageenyaan qori. Sana dura maaltu taʼe? (Uma. 25:20-28) Sana booda maaltu taʼe?—Uma. 27:1-46.

Ibsa balʼaa argachuuf qorannaa godhi. Bara sanatti ilmi angafaa mirgootaa fi dirqamawwan akkamii qaba ture?—Uma. 18:18, 19; w10-AM 5/1 13.

• Namni tokko abaabilee Masiihichaa taʼuuf ilma angafaa taʼuu qabaa? (w17.12 14-15)

Barumsa argatterratti yaadi, achiis hojiirra oolchi. Yaaqoob Esaawu caalaa mirga angafummatiif iddoo guddaa kan kenne maaliifi? (Ibr. 12:16, 17; w03-AM 10/15 28-29) Yihowaan obbolaa lamaan ilaalchisee maaltu isatti dhagaʼame? Maaliif? (Mil. 1:2, 3) Esaawu murtoo gaarii gochuuf wanta kanarraa adda taʼe akkamii gochuu dandaʼa ture?

• ‘Waaqeffannaa maatii dabalatee, sagantaa torbanii yeroon baafadhu wantoota hafuuraatiif dinqisiifannaa akkan qabu argisiisuu kanan dandaʼu akkamitti?’ jedhii of gaafadhu.