Dargaggoonni Baayʼeen Dhibee Sammuutiif Saaxilamaa Jiru—Kitaabni Qulqulluun Maal Jedha?

Wiixata, Guraandhala 13, 2023​tti, Wiirtuun Toʼannaa fi Ittisa Dhukkubaa (CDC) Yuunaayitid Isteetis fayyaa sammuu dargaggoota Yuunaayitid Isteetis keessa jiraatanii ilaalchisee gabaasa tokko baasee ture. Ijoollee barumsa sadarkaa lammaffaa hordofan keessaa dhibbeentaa 40 ol kan taʼan yeroo dheeraadhaaf akka gaddanii fi akka abdii kutatan gabaaseera.

Hoggantuu Dhimmoota Dargaggootaa fi Fayyaa Barattootaa CDC kan taʼan Doktar Kaatliin Iiziyar akkana jedhaniiru: “Waggoottan 10 darbanitti fayyaan sammuu dargaggootaa caalaatti hammaachaa dhufuu isaa kan hubanne taʼus, lakkoofsi shamarran dhibee sammuutiin dararamaa jiranii fi of ajjeesuu yaadanii isa yeroo kamiyyuu caalaa dabaleera.”

Gabaasicharratti akka ibsametti:

• Shamarran 10 keessaa 1 (jechuunis, dhibbeentaan 14) utuu isaan hin barbaadin saalqunnamtii akka raawwatan dhiibbaan isaanirratti godhameera. Doktar Iiziyar akkana jedhaniiru: “Kun baayʼee nama naasisa. Shamarran 10 beektan keessaa yoo xinnaate tokko (tarii isaa olis taʼuu dandaʼa) dirqisiifamtee gudeedamteetti.”

• Shamarran 3 keessaa 1 (jechuunis, dhibbeentaa 30 kan taʼan) waaʼee of ajjeesuu cimsanii yaadanii beeku.

• Shamarran 5 keessaa 3 (jechuunis, dhibbeentaa 57) kan taʼan yeroo dheeraadhaaf miirri gaddaa fi abdii kutannaa isaanitti dhagaʼamaa tureera.

Gabaasa akkasii dhagaʼuun baayʼee nama gaddisiisa. Silaa umuriin dargaggummaa yeroo gammachiisaa taʼuu qaba ture. Maarree, dargaggoonni dhiphina yeroo ammaatti isaan mudachaa jiru dandamachuuf maaltu isaan gargaara? Kitaabni Qulqulluun maal jedha?

Dargaggoonni Kitaaba Qulqulluurraa gargaarsa argachuu ni dandaʼu

Kitaabni Qulqulluun yeroo keessa jiraannu sirriitti ibsa. Yeroon kun “[yeroo] addaa baayʼee rakkisaa taʼe” akka taʼe dubbata. (2 Ximotewos 3:1-5) Haa taʼu malee, Kitaabni Qulqulluun gorsa yeroon itti hin darbine nuu kenna; addunyaa maratti dargaggoonni miliyoonaan lakkaaʼaman gorsa kana hordofuun isaanii rakkina garaa garaa akka dandamatan isaan gargaareera. Mata dureewwan Kitaaba Qulqulluurratti hundaaʼan armaan gadii ilaali.

• Lubbuudhaan Jiraachuun Yoo Na Jibbisiise Hoo?

• Duʼuun Barbaada—Waaʼee Of Ajjeesuu Yaadaan Jira Yoo Taʼe Gama Kanaan Kitaabni Qulqulluun Na Gargaaruu Dandaʼaa?

• Maaliifan Jiraadha?

• Dhiphina Sammuu Dandamachuu Kanan Dandaʼu Akkamitti?

• Ilaalcha Sirrii hin Taane Qabaachuu Irraa Fagaachuu Kanan Dandaʼu Akkamitti?

• Dhiphina Damdamachuu Kanan Dandaʼu Akkamitti?

• Miira Koo Toʼachuu Kanan Dandaʼu Akkamitti?

• Gaddi Kee Gammachuutti Jijjiiramuu Dandaʼa (animeeshinii gabatee adii)

• Abbaan Humnaa Yoo Na Hube Maalan Godha?

• Karaa Intarneetii Hubaatiin Yoo Na Irra Gaʼe Maal Gochuun Qaba?

• Aboottee Utuu hin Fayyadamin Abbaa Humnaa Moʼi (animeeshinii gabatee adii)

• Miidhaa Saalaa Dandamachuu Kanan Dandaʼu Akkamitti?

• Miidhaa Saalaa Ilaalchisee Maal Beekuun Qaba?—Kutaa 1: Of Eeggannoo

• Miidhaa Saalaa Ilaalchisee Maal Beekuun Qaba?—Kutaa 2: Bayyaannachuu

Gorsa Kitaabni Qulqulluun warraaf kennu

Kitaabni Qulqulluun warraafis gorsa ni kenna; gorsi kunis rakkina jireenya keessatti isaan mudatu akka dandamatan yeroo ijoollee isaanii gargaaranitti isaan fayyada. Mata dureewwan Kitaaba Qulqulluurratti hundaaʼan armaan gadii ilaali.

• Dargaggoonni Maaliif Dhiphatu?—Furmaanni Isaa hoo Maali Dha?

• Intalli Keessan Dhiphina Akka Dandamattu Gargaaruu

• Abbootiin Humnaa Ilma Kootti yoo Roorrisan Maalan Godha?

• Dargaggoota Qaama Isaanii Miidhan Gargaaruu

• Ijoollee fi Weebsaayitii Hawaasaa—Kutaa 1: Ijoolleen Koo Weebsaayitii Hawaasaa Fayyadamuu Qabuu?

• Ijoollee fi Weebsaayitii hawaasaa—Kutaa 2: Dargaggoonni Karaa Miidhaa hin Geessisneen Weebsaayitii Hawaasaa Akka Fayyadaman Barsiisuu

• Ijoollee fi Moobaayilii—Kutaa 1: Mucaan Koo Moobaayilii Akka Qabaatu Heyyamuun Qabaa?

• Ijoollee fi Moobaayilii—Kutaa 2: Ijoolleen Moobaayiliitti Ogummaadhaan Akka Fayyadaman Gargaaruu

• Waaʼee Seekistiingii Ijoollee Keessan Wajjin Mariʼachuu kan Dandeessan Akkamitti?