2 Reyes

3 Näꞌä bi me̱fi näꞌä xä ñho ante yä da rä Zi Dada Jeoba, ja ngu xki me̱fi David —näꞌä rä bo̱xita—. 6 ꞌNe näꞌä himbi hye̱gi Jeoba. Himbi ꞌuege de geꞌä; näꞌä bi sigi bi me̱fi nuꞌu̱ yä mhända Jeoba xki umbäbi Moisés. 19 Hänge nubye̱, Rabsaqué bi ꞌñembäbiꞌu̱: «Po rä mäte, xiphu̱ njaua Ezequías: “Gehnä xä mängä rä rey, rä rey de Asiria: «¿Xi te jaꞌi gi pe̱ꞌtsi ndunthi rä komfiansa? 20 Nuꞌi gi enä: “Nuga ya xtä ñhoki ꞌne di pe̱ꞌtsi rä tsꞌe̱di pa gä ntuhnihe”, pe nuya ho̱nse̱ yä noya. Xibye̱, ¿habu̱ xkä hñuxä ri komfiansa, pa xkä nju̱tsꞌi kontra geki? 25 Xi nubye̱, ¿nuꞌmu̱ himbi rꞌakägi nse̱ki Jeoba pa dä ehe kontra nunä luga pa gä huati? Jeoba bi ꞌñengägi: “Po̱tsꞌe kontra nunä hnini, ꞌne pe̱ꞌtsi te gi huati”». 26 Nubye̱, Eliaquim näꞌä rä tꞌu̱ Hilquías, ꞌne Sebná ꞌne Joá bi ꞌñembäbi rabsaqué: «Po rä mäte, nzofo ri ꞌme̱go ha rä idioma arameo, nuje tsa gä ntiendehe; ogi nzokhe ha näꞌä idioma ñä yä judio pa hindä yꞌo̱de nuyu̱ yä jäꞌi to̱ge ha yä jädo». 27 Pe rabsaqué bi ꞌñembäbiꞌu̱: «¿Gi hurimu̱i ge ho̱nse̱ pa ri hmuu ꞌne pa geꞌi nuya yä noya bä pe̱hni mä hmuu? ¿Hingä pa nuyu̱ yä ñꞌo̱ho̱ hudi mäñä yä jädo, nuꞌu̱ ma dä zi yä fohose̱ ꞌne yä ꞌmitꞌise̱ kongeꞌähu̱?». 31 Ogi o̱xu̱ näꞌä xiꞌähu̱ Ezequías; ngeꞌä gehnä mää rä rey de Asiria: «Po̱ñhu̱ ꞌne ntregase̱hu̱, ꞌne kada nꞌa de geꞌähu̱ ma dä zi de yä obxi ꞌne de yä igo, ꞌne kada nꞌa de geꞌähu̱ ma dä zi rä dehe de yä cisternase̱, 33 De gatꞌho yä dähni, ¿te mä zidada näꞌä xä za xä ñäni rä hnini de yä yꞌe̱ rä rey de Asiria? 35 De gatꞌho yä dähni, ¿te mä zidada näꞌä xä za xä ñäni rä hnini de mä yꞌe̱, pa nubye̱ gi kamfrihu̱ ge Jeoba ma dä ñäni Jerusalén de mä yꞌe̱?»”».