Jueces

4 Mꞌe̱fa bi hyandä nꞌa rä ꞌme̱hñä näꞌä mrä mengu ha rä valle de Sorec ꞌne mrä thuhu Dalila. Sansón xa bi ho ꞌne bi mädi nuni ꞌme̱hñä. 17 Sansón ya himbi uanta ꞌne bi gu̱ki näꞌä mi ja mbo ha rä koraso ꞌne bi ꞌñembäbi: «Nunka xä tꞌäxkägi, ngeꞌä Äjuä bi huankägi dende ndi bätsi pa gä nazareo. Pe mu̱ dä tꞌäxkägi, ma gä ꞌme̱di mä tsꞌe̱di ꞌne ma gä nja ngu gatꞌho märꞌa yä ñꞌo̱ho̱». 25 Koꞌmu̱ nuꞌu̱ xa mi johya, nuꞌu̱ bi ꞌñenä: «¡Guä ju̱kihu̱ rä Sansón pa gä nthehu̱ tsꞌu̱u̱!». Hänge nuꞌu̱ bi gu̱ki Sansón de rä fadi ꞌne xa bi ꞌme̱tuäbi rä tsa. ꞌNe bri ꞌmaꞌmi mädetho de habu̱ mi ja nuꞌu̱ yä däta poste mi to̱ꞌtse näꞌä rä nguu. 28 Nubye̱ Sansón bi bäntebi Jeoba ꞌne bi ꞌñembäbi: «¡Zi Dada Jeoba, po rä mäte ogi pumfrigi! ¡Oh Äjuä, po rä mäte rꞌakägi rä tsꞌe̱di ho̱nse̱ mä nꞌa mꞌiki! ¡Hyokägi gä benga de nuꞌu̱ yä filisteo po nꞌa de nuꞌu̱ mä da!». 29 ꞌNepu̱ Sansón bi pe̱ntꞌi nuꞌu̱ yoho yä däta poste mi ꞌmai mädetho de näꞌä rä nguu. Ko rä ñꞌe̱i bi mihi nꞌa rä poste ꞌne ko rä ngähä bi mihi näꞌä mä nꞌaa. 30 ꞌNepu̱ rä Sansón bi mafi ꞌne bi ꞌñenä: «¡Xi gä tu de una vez gä tu ko nuyu̱ yä filisteo!». Oraꞌä, ko ngatꞌho rä tsꞌe̱di bi yꞌentꞌi nuꞌu̱ yä däta poste, ꞌne näꞌä rä nguu bi dagi ꞌne bi zotsꞌi gatꞌho nuꞌu̱ yä ndä ꞌne nuꞌu̱ yä jäꞌi mi ꞌmu̱hni. Näꞌä rä paꞌä mänꞌa xa ndunthi nuꞌu̱ yä jäꞌi bi hyo ke nuꞌu̱ xki hyo änte.