Lucas

18 ꞌNe bi sigi bi ꞌñembäbi: «¿Te nguꞌä rä Tsꞌu̱tꞌhui Äjuä ꞌne konte dä za gä kompara? 19 Rä Tsꞌu̱tꞌhui Äjuä ꞌñenä nꞌa rä zi ndaa de gä mostasa näꞌä bi motꞌi nꞌa rä jäꞌi ha rä uerta. Näꞌä zi ndaa bi fo̱tsꞌe ꞌne xa bi te nꞌa rä däta arbol, ꞌne yä zi tsꞌintsꞌu̱ bä ehe pa ja bi hyokini yä ꞌmafi». 20 Mänꞌaki bi ꞌñembäbi: «¿Konte dä za gä kompara rä Tsꞌu̱tꞌhui Äjuä? 21 Rä Tsꞌu̱tꞌhui Äjuä ꞌñenä näꞌä rä levadura bi gu̱ nꞌa rä ꞌme̱hñä pa bi pantꞌi ko hñu däta tꞌe̱ni rä arinä. Mꞌe̱fa, gatꞌho rä arinä bi zoi ꞌne bi netsꞌi».