Génesis

34 Nubye̱, Dina, rä tꞌixu Jacob ꞌne Lea, njatꞌä mi pa dä nuu nuꞌu̱ yä nxutsi de näꞌä rä hniniꞌä. 2 ꞌNe nu mi zo̱ho̱ bi hyandi Siquem, näꞌä mi rä tꞌu̱ Hamor näꞌä heveo, näꞌä jefe de näꞌä hniniꞌä, bi pe̱ntꞌi näꞌä nxutsi ꞌne bi biola. 3 ꞌNe näꞌä tsꞌu̱ntꞌu̱ ya himi tsa dä mꞌu̱i nsi Dina, näꞌä rä tꞌixu Jacob, ꞌne bi zo̱ho̱ xa bi mädi, ꞌne mi honi hanja dä kombense. 4 Nubye̱, Siquem bi ꞌñembäbi rä dada: «Guä adi nunä nxutsi pa mä ꞌme̱hñä». 19 Näꞌä tsꞌu̱ntꞌu̱ nguntꞌä bi me̱fi näꞌä xki tꞌapäbi, ngeꞌä näꞌä xa mi ho näꞌä rä tꞌixu Jacob, ꞌne näꞌä tsꞌu̱ntꞌu̱ꞌä geꞌä mänꞌa mi thandi ngu rä hojäꞌi de gatꞌho nuꞌu̱ mi ꞌmu̱i ha rä ngu rä dada. 25 Pe rä hñupaꞌä, mentä nuꞌu̱ yä ñꞌo̱ho̱ mi ntsaui rä u̱gi, Simeón ꞌne Leví —nuꞌu̱ yoho yä tꞌu̱ Jacob ꞌne mi geꞌu̱ yä ku Dina— bi gu̱ nꞌa rä majuai kada nꞌa de geꞌu̱ ꞌne nsinke toꞌo bi bädi, bi ma ha näꞌä rä hnini habu̱ mi ꞌmu̱i Siquem ꞌne bi hyo gatꞌho nuꞌu̱ yä ñꞌo̱ho̱ꞌu̱.