Efesios

7 Nubye̱, kada nꞌa de gekhu̱ xtä hänihu̱ rä ñhojäꞌi rä Kristo ꞌne xä uni ngu nꞌa rä regalo. 8 Ngeꞌä rä Mäkä Tꞌofo enä: «Nuꞌmu̱ bi bo̱xä mähetsꞌi bi zitsꞌi nuꞌu̱ mi mꞌe̱go; ꞌne bi uni nuꞌu̱ yä ñꞌo̱ho̱ ngu nꞌa rä regalo». 11 ꞌNe rꞌaa bi hñutsꞌi ngu yä apostol, rꞌaa ngu yä profeta, rꞌaa pa dä ungä ntꞌo̱de de rä noya Äjuä, rꞌaa ngu yä mayꞌo ꞌne yä xahnäte. 12 Bi hñutsꞌi pa dä korreji ꞌne dä ꞌñuti rä ꞌñuu nuꞌu̱ yä santo, pa dä ja näꞌä rä mäkä ꞌme̱fi bi ja rä Kristo ꞌne pa dä nupäbi yä mfeni yä ku de rä mhuntsꞌi, 13 asta xa gä lograhu̱ gä mꞌu̱ihu̱ unido ha nꞌadä rä jamfri ꞌne ha näꞌä xa mäjuäni rä mfädi de rä Tꞌu̱ Äjuä, asta xa dä ñätsꞌi mä jamfrihu̱ ngu nꞌa rä däta jäꞌi ꞌne gä lograhu̱ gä de̱mbäbihu̱ yä paso rä Kristo. 15 Pe nuju̱ po mäde de gä mäñhu̱ näꞌä mäjuäni, ma gä tehu̱ ko rä mhäte ha gatꞌho yä tꞌo̱tꞌe nuꞌu̱ ri ꞌñepi rä Kristo, näꞌä mä ñäxuhu̱. 23 Pe̱ꞌtsi te gi sigihu̱ gi paatä ri mfenihu̱, 24 ꞌne debe gi hyehu̱ näꞌä rä rꞌayꞌo mꞌu̱i ja ngu rä bolunta Äjuä, ꞌne gi ꞌñudihu̱ näꞌä xa mäjuäni rä justisia ꞌne näꞌä rä mhäte hingi faya. 26 Ora gi nkue̱hu̱, ogi o̱thu̱ yä tsꞌoki; tsohu̱bu̱ näꞌä ri kue̱hu̱ änte dä yu̱i rä hyadi 27 pa hingi hopäbihu̱ dä däꞌähu̱ rä Diablo. 31 Tsohu̱bu̱ nuꞌu̱ yä ntꞌu̱tsate gi pe̱ꞌspäbihu̱ märꞌaa, yä mhafi, yä kue̱, yä mbo̱ka, nuꞌu̱ yä noya u̱nte, ꞌne de gatꞌho näꞌä xä ntsꞌo. 32 Mänꞌa dä hogi gi ñhojäꞌihu̱ ꞌne gi mädihu̱ nꞌa ngu mänꞌaa. Ogi yꞌu̱yahu̱ gi unihu̱ rä mpumbäte, ja ngu Äjuä bi mꞌu̱i dispuesto dä puñꞌäꞌihu̱ po mäde de rä Kristo.