Apocalipsis

2 ꞋNehe dä handi rä mäkä hnini, näꞌä tꞌembäbi rä Rꞌayꞌo Jerusalén, bä käi de mähetsꞌi dende habu̱ bi ꞌmu̱i Äjuä. ꞋNe xki ñhoki ngu nꞌa rä nobia pa dä nthätui rä nobio. 5 Näꞌä toꞌo mi hudi ha mähetsꞌi bi ꞌñenä: «¡Hyandi! Di hoki mä rꞌayꞌo gatꞌho yä tꞌo̱tꞌe». ꞌNehe bi ꞌñenä: «Yꞌofo nuya yä noya, ngeꞌä näꞌä di xiꞌi mäjuäni ꞌne hingä ma dä faya». 6 ꞌNehe bi ꞌñengägi: ¡Nuya yä noya ya xä kumpli! Go geki drä Alfa ꞌne drä Omega, go rä mu̱digi ꞌne go rä gätsꞌigi. Gatꞌho toꞌo tsu̱ rä nduthe ma gä umbäbi gratis näꞌä rä dehe bi ehe de näꞌä rä po̱tꞌhe uni rä te. 24 Yä dähni ma dä za dä ñꞌo po näꞌä rä ñotꞌi bi ehe de geꞌä, ꞌne näꞌä rä nsu pe̱ꞌtsi nuꞌu̱ yä rey de rä xiꞌmhai, go ma dä ntregabiꞌä.