Salmos

32 Dä johya näꞌä rä jäꞌi dri pu̱mbäbi yä thai, näꞌä toꞌo dri pumbäbi yä pekado. 2 Dä johya näꞌä rä jäꞌi ngeꞌä rä Zi Dada Jeoba hingi bembäbi rä tsꞌoki. Dä johya näꞌä higä rä hyate jäꞌi. 3 Nuꞌmu̱ ndi kotꞌätho mä pekado, ndi tsa hanja po mboo ꞌñenä mi thege nuꞌu̱ mä ndoyꞌo, ngeꞌä mä mfeni gatꞌho rä pa mi tsu̱kägi. 4 Ngeꞌä mä pa rä xui ndi senti hanja xa ngi nkue̱ kongeki. Mä tsꞌe̱di bi xaa ja ngu di xaa rä dehe ora xa ja rä pahyadi. 5 Por fin dä xiꞌi nuꞌu̱ mä pekado xti o̱tꞌe; ꞌne hindä ägi mä tsꞌoki. Nuga dä enä: «Ma gä xipäbi rä Zi Dada Jeoba nuꞌu̱ mä pekado xtä o̱tꞌe». ꞌNe nuꞌi gä punꞌgägi gatꞌho mä tsꞌoki ꞌne mä pekado. 8 «Nuga ma gä jaꞌi dä nja ri mfeni, ꞌne ma gä utꞌäꞌi näꞌä rä ꞌñuu habu̱ di debe gi yꞌo. Nuga ma gä rꞌaꞌi yä tsꞌofo, ꞌne nuꞌu̱ mä da hingä ma gä häki de geꞌi. 10 Nuꞌu̱ yä tsꞌomꞌu̱i jäꞌi tso̱päbi ndunthi yä u̱gi. Pe nuꞌu̱ pe̱ꞌspäbi rä komfiansa Jeoba, näꞌä ma dä mantꞌi ko rä mhäte ꞌne hingä ma dä fayabi. 11 Johyahu̱ po ränge Jeoba ꞌne ogi turimu̱ihu̱ nuꞌähu̱ gi o̱thu̱ rä justisia; mafihu̱ de gä johya, gatꞌho nuꞌähu̱ xä ntꞌaxi ri korasohu̱.