Daniel

16 Hänge Daniel bi ma ꞌne bi bäntebi rä rey ge xä umbäbi rä tiempo pa xä bädi te mä tꞌi xki me̱ꞌtsi ꞌne te mri bo̱ni. 18 Bi xipäbi ge xä xatuäbi rä Zi Dada de mähetsꞌi pa xä matsꞌi xä bädi de näꞌä rä tꞌi, ꞌne njabu̱ Daniel ꞌne nuꞌu̱ yä amigo hinxä ꞌme̱di yä bida mähye̱gi ko nuꞌu̱ yä bädi de Babilonia. 41 ꞌNe ja ngu gä handi, nuꞌu̱ yä ua ko nuꞌu̱ yä dedo xki thoki de gä bo̱jä ꞌne xkri thäntsꞌi ko rä bo̱hai, signifika ge näꞌä rä gobiernu ma dä mꞌu̱i dibidido. Pe ja ngu gä handi hanja näꞌä rä bo̱jä mi tu rä bo̱hai, rꞌabu̱ xa ma dä mbo̱ka ꞌne ma dä ñꞌu̱nte ngu näꞌä rä bo̱jä xi xä mee. 42 ꞌNe koꞌmu̱ nuꞌu̱ yä dedo de yä ua xki thoki de gä bo̱jä näꞌä xa xä mee, pe ꞌnehe xki nthäntsꞌi ko rä bo̱hai. Njabu̱ ꞌnehe näꞌä rä gobiernuꞌä; rꞌabu̱ xa ma dä nja rä tsꞌe̱di, pe rꞌabu̱ hinä. 43 Nja ngu näꞌä rä bo̱jä xä mee xä nthäntsꞌi ko rä bo̱hai, nuꞌu̱ yä gobiernu ma dä nthäntsꞌi ko yä jäꞌise̱. Pe hingä ma dä mꞌu̱i unido, ja ngu rä bo̱jä ko rä bo̱hai hingi tsa dä nthäntsꞌi. 44 »Ha yä pa nuꞌu̱ yä gobiernu, rä Zi Dada de mähetsꞌi ma dä hñutsꞌi nꞌa rä gobiernu näꞌä hinto ma dä destrui. ꞌNe näꞌä rä gobiernu hingä ma dä tꞌumbi mä nꞌa rä hnini. Nunä gobiernu ma dä xutꞌi ꞌne ma dä huati gatꞌho nuꞌu̱ yä gobiernu, ꞌne ho̱nse̱ꞌä ma dä mända pa nzäntho,