Gálatas

6 Zi kuhu̱, mu̱ nꞌa rä jäꞌi gi hanthu̱ ge fu̱di ju̱ nꞌa rä ꞌñuu xä ntsꞌo pe näꞌä hindi da ngue̱nda, nuꞌmu̱ —nuꞌähu̱ xä ñätsꞌi ri jamfrihu̱—, ko rä mhäte ꞌne rä pasensia trata gi faxu̱ pa dä mengi ha näꞌä rä ꞌñuu xä ñho. Pe mähyoni ge kada nꞌa de geꞌähu̱ xa gi nsuhu̱ pa njabu̱ hingi ꞌuengihu̱ ꞌnehe. 2 Sigi gi mfaxu̱ nꞌa ngu mänꞌaa pa gi ndudehu̱ nuꞌu̱ ri ꞌmatsꞌihu̱, ꞌne njabu̱ gi kumplihu̱ ko rä ley rä Kristo. 5 Ngeꞌä kada nꞌaa ma dä ndudese̱ rä responsabilida. 7 Ogi ñhatꞌäse̱hu̱: ko Äjuä hingi tsa toꞌo dä ñꞌeni. Ngeꞌä gatꞌho näꞌä dä motꞌä nꞌa rä jäꞌi, geꞌä ma dä xofo; 8 toꞌo potꞌi nuꞌu̱ yä tꞌo̱tꞌe di ho rä ndoyꞌo, ma dä xofo de rä ndoyꞌo yä tsꞌo tꞌo̱tꞌe; pe toꞌo potꞌi nuꞌu̱ yä tꞌo̱tꞌe di ho rä espiritu, ma dä xofo de rä espiritu, rä te pa nzäntho. 9 Hänge hingä he̱gihu̱ de gä o̱thu̱ näꞌä xä ñho, ngeꞌä ma dä zo̱ho̱ rä pa gä nxofohu̱ mu̱ hindä zabigihu̱.