Apocalipsis

4 ꞌNe dä handä yä trono, ꞌne nuꞌu̱ toꞌo bi hñudi ha nuꞌu̱ yä tronoꞌu̱ bi tꞌumbäbi rä autorida pa dä juzga. Hää, nuga dä handi yä alma de nuꞌu̱ toꞌo xki tho ngeꞌä xki ungä ntꞌo̱de de rä Hesu ꞌne ngeꞌä xki ñäꞌu̱ de Äjuä, ꞌne nuꞌu̱ toꞌo hixki ndäne rä mbängä zuꞌue nixi rä imagen ꞌne hixki hñäni näꞌä rä märka ha yä de nixi ha yä yꞌe̱. ꞌNe nuꞌu̱ bi zo̱ho̱ bi nja yä te ꞌne bi mända ngu yä rey ko rä Kristo po 1.000 yä je̱ya. 6 Dä johya ꞌne dä nsanto nuꞌu̱ toꞌo di tokabi dä nangi mꞌe̱tꞌo de rä du; sobre nuyu̱ rä yoho rä du hingi pe̱ꞌtsi rä autorida, sino ge nuꞌu̱ ma dä zo̱ho̱ dä majhä pa Äjuä ꞌne pa rä Kristo, ꞌne nuꞌu̱ ma dä mända ngu yä rey kongeꞌä po 1.000 yä je̱ya. 12 ꞌNe nuga dä handi nuꞌu̱ xki du —yä däta ꞌne yä tꞌu̱lo — mi ꞌmai ndelante de rä trono ꞌne bri soꞌtsi yä rollo. Pe ꞌnehe bri soꞌtsi mä nꞌa rä rollo; gehnä rä rollo de rä te. Nuꞌu̱ xki du bi thämpä ngue̱nda de nuꞌu̱ yä tꞌo̱tꞌe xki tꞌofo ha nuꞌu̱ yä rollo ja ngu bi me̱fiꞌu̱. 13 ꞌNe rä ndehe bi da nuꞌu̱ yä jäꞌi xki duni, ꞌne rä du ꞌne rä ntꞌagi bi da nuꞌu̱ mi o de gehni, ꞌne bi thämpä ngue̱nda kada nꞌa de geꞌu̱ po näꞌä bi me̱fi.