Mateo

6 Pe toꞌo dä japi dä mfeꞌtse nꞌa de nuya yä zi tꞌu̱kä xä gamfrigi, mänꞌa dä hogi dä tsꞌu̱tuäbi ha rä yꞌu̱ga nꞌa rä do de gä mulinu ja ngu näꞌä ju̱tꞌi nꞌa rä burru, ꞌne näꞌä jäꞌiꞌä dä tꞌe̱ntꞌi ha rä ndehe. 15 »ꞌNehe, mu̱ nꞌa ri ku dä yꞌo̱tꞌä nꞌa rä pekado, gi ma guä ñäui de näꞌä rä tsꞌokiꞌä, pe ho̱nse̱ entre nuꞌi ꞌne näꞌäse̱. Mu̱ näꞌä dä yꞌo̱xꞌäꞌi, nuꞌi gä tähä näꞌä ri ku. 16 Pe mu̱ näꞌä hindä yꞌo̱xꞌäꞌi, tsitsꞌi nꞌaa o mä yoho, pa njabu̱ po mäde de yoho o hñuu yä testigo dä arregla näꞌä rä asuntoꞌä. 17 Pe mu̱ nixi geꞌu̱ hindä japämäsu, xipäbi rä mhuntsꞌi. Pe mu̱ nixi rä mhuntsꞌi hindä japämäsu, hyandi näꞌä jäꞌiꞌä ngu nꞌa rä jäꞌi de yä dähni ꞌne ja ngu nꞌa rä ngu̱xäbojä de gä impuesto. 21 Oraꞌä, Pedro bi joni ko rä Hesu ꞌne bi ꞌñembäbi: «Zi Hmuu, xiꞌmu̱ mä ku dä ofendegi, ¿hängu mꞌiki debe gä pumbäbi? ¿Asta 7 mꞌiki?». 22 Rä Hesu bi ꞌñembäbi: «Hindi xiꞌi asta 7 mꞌiki, sino asta 77 yä mꞌiki.