Isaías

48 Oh rä nguu Jacob, yꞌo̱dehu̱ nuꞌähu̱ gi ñꞌetsꞌihu̱ ge gyä menguhu̱ Israel ꞌnege xkä po̱nihu̱ de nuꞌu̱ yä dehe ja ha Judá. Nuꞌähu̱ gi hurahu̱ po rä thuhu rä Zi Dada Jeoba. Nuꞌähu̱ gi maꞌtuäbihu̱ rä thuhu rä Zi Dada de Israel, pe hingi jahu̱ ko ngatꞌho ri korasohu̱ nixi gi pe̱fihu̱ näꞌä xä ñho̱. 17 Rä Zi Dada Jeoba —Näꞌä toꞌo bi gutꞌi pa bi rekuperaꞌi, näꞌä rä Santo de Israel— enä: «Nuga Jeoba, go ri Zi Dadagi, Näꞌä toꞌo utꞌäꞌi pa ri ñhoui, Näꞌä toꞌo utꞌäꞌi te mä ꞌñuu debe gi ju̱u̱. 18 ¡Mu̱ gi yꞌo̱dehmä näꞌä di mändaꞌi! Nuꞌmu̱ ri mꞌu̱i ma dä zo̱ho̱ dä nja temäꞌentho ja ngu ora yꞌo nꞌa rä däthe, ꞌne ri justisia ma dä zo̱ho̱ dä nja ngu yä ola rä ndehe.