Isaías

45 Jeoba xä huahni Ciro ꞌne gehnä mää, xtä mipäbi rä ñꞌe̱i pa gä dominä yä dähni ndelante de geꞌä, pa gä häkuäbi yä arma yä rey, ndelante de geꞌä ma gä xoki nuꞌu̱ yä goxthi xä mpare, pa njabu̱ nuꞌu̱ yä goxthi dä gohi di xogi: 2 «Nuga ma gä ma ndelante de geꞌi, ꞌne ma gä joki rä ꞌñuu pa dä za gi thogi. Ma gä tehmi nuꞌu̱ yä goxthi de gä kobre ꞌne ma gä ꞌuaki nuꞌu̱ yä columna de gä bo̱jä. 9 ¡Huekäte näꞌä rä jäꞌi ne dä diskuti ko Näꞌä toꞌo bi umbäbi rä te, ngeꞌä näꞌä rä jäꞌiꞌä ꞌñenä ho̱nse̱ nꞌa xe̱ni rä domhi näꞌä ꞌme̱ngä ha rä hai! ¿Hage rä bo̱hai ma dä ꞌñembäbi näꞌä rä hyokäte: «¿Te gi pe̱fi kongeki?»? ¿O hage ri ꞌme̱fi ma dä za dä ꞌñeñꞌäꞌi: «Nuꞌi hingi ja ri yꞌe̱»? 10 ¡Huekäte näꞌä toꞌo embäbi rä dada: «¿Te mä bätsi nunä gä hoki pa dä mꞌu̱i?». ꞌNe huekäte näꞌä toꞌo embäbi nꞌa rä ꞌme̱hñä «¿Te mä bätsi näꞌä yꞌo ri bo̱ni de geꞌi pa dä mꞌu̱i?»! 11 Gehnä mängä Jeoba, näꞌä rä Zi Dada xä Mäkä Ntꞌaxi de Israel —näꞌä toꞌo bi hyoki nunä rä hnini—: «¿Ma gi ꞌñengägihu̱ ge näꞌä xtä mää hingä ma dä thogi njabu̱? ¿Go ma gi mändagihu̱ te di debe gä pe̱fi ko mä bätsi ꞌne ko näꞌä xtä hoki ko mä yꞌe̱se̱? 12 Nuga go dä hoki rä xiꞌmhai ꞌne go dä hoki yä jäꞌi pa ja dä mꞌu̱hni. Ko mä yꞌe̱ nuga go geki dä hoki ꞌne dä tu̱ngi mähetsꞌi, ꞌne go di mändabi te di debe dä me̱fi rä hyadi, rä zänä ꞌne gatꞌho yä tso̱o̱». 17 Pe rä Zi Dada Jeoba ma dä salba Israel ko nꞌa rä hñänte näꞌä ma dä dura pa nzäntho. Nuꞌähu̱ nunka ma drä ꞌme̱tꞌä rä tꞌekꞌeihu̱ nixi ma drä ꞌme̱tꞌä ri tsahu̱. 18 Ngeꞌä gehnä mängä Jeoba, näꞌä toꞌo bi Hyoki mähetsꞌi, näꞌä rä Zi Dada xa mäjuäni, näꞌä toꞌo bi hyoki rä xiꞌmhai ꞌne bi hñuxä habu̱ hinto dä za dä hmäni. Näꞌä bi hyoki rä xiꞌmhai pa toꞌo dä mꞌu̱i ꞌne hingä pa dä njabu̱tho: «Go geki Jeoba ꞌne joꞌo mä nꞌaa.